Ýnıversıtettiń Qapshaǵaı qalasynyń mańyndaǵy agrobıostansııa kesheni aýmaǵyn tıimdi paıdalaný, bolashaq mamandardyń bilimin tájirıbemen ushtastyrý baǵytynda qolǵa alynǵan bul jobanyń ónimi tek dıqandar úshin ǵana emes, sondaı-aq otandyq bıolog ǵalymdar men turǵyndar úshin de úlken mańyzǵa ıe.
Jaratylystaný fakýltetiniń ǵalymdarynyń aıtýynsha, áıgili aporttyń bul sortynyń táttiligi burynǵydan joǵary, jemisti erte beredi. О́nim túsimi mol.
– Resmı derekterge súıener bolsaq, almatylyqtar jylyna 17 myń tonna aport jeıdi eken. Sodan da bolar, ońtústik astana bıligi ýaqtysynda dańqy dúrkiregen ataqty aportty qaıtadan kóbeıtýge tyrysyp jatyr. Memleket basshysy Nursultan Nazarbaev Almatyǵa kelgen saparynda almanyń bul túrin qaıta jańǵyrtýdy naqty tapsyrǵan bolatyn. Búginde osy baǵytta birqatar ister júıelenip, aýqymdy jumystar jasalýda. Egerde qolǵa alynǵan josparlar men jobalardyń barlyǵy júzege assa bolashaqta Almatynyń atyn shyǵarǵan aport qaıta túlemek. Bizdiń de basty maqsatymyz osyǵan saıady, – deıdi Qyzdar Ýnıversıtetiniń ǵalymdary.
Mamandardyń paıymdaýynsha, aporttyń azaıýyna negizgi sebep – ekologııalyq faktor. Sonymen qatar, aport baqtaryna arnaıy saraptama jasalmaı, analyq aǵashtardyń júıesiz kóbeıtilýi de óz áserin tıgizýde.
– Buryn Ile Alataýynyń tabıǵaty atalǵan alma sortyn ósirýge qolaıly bolǵan-tyn. Aport teńiz deńgeıinen 900-1200 metr bıiktikte jaqsy ósedi. О́ıtkeni, osy shamada qajetti jylýǵa jaqsy qanyǵady. Al sońǵy ýaqytta jemis aǵashtarynyń ósý deńgeıi tym tómendep ketti. Osynyń áserinen jylý artyqtyǵy sekildi túrli faktorlar almanyń burynǵy qunarlyǵyn joǵaltty. Biz aport kóshetterin ósirý barysynda osyǵan basa mán beremiz, – dep atap ótti bıolog ǵalymdar.
