Tilder garmonııasy degenimiz – tilderdiń úılesimde birlesip ómir súrýi. Bul kópultty memleketke tán qubylys. Ulttardyń bir-birinen tildik aıyrmashylyǵy olardyń keńistiktegi garmonııalyq birligin de qamtamasyz etedi. Dúnıeniń sulýlyǵy, tabıǵattyń keremeti – ondaǵy san alýan tústerdiń garmonııasy bolýymen qundy desek, adamzattyń rýhanı álemniń baılyǵy – ártúrli ult mádenıeti men ult tilderiniń garmonııaly damýymen de erekshe.
«Úshtildilik» baǵdarlamasynyń negizinde qazaq tili, orys tili, aǵylshyn tilderin meńgerý kózdelýde.
Qazaq tili – memlekettik til. Elimizdiń táýelsizdiginiń nyshany. Qazaqstannyń bolashaǵy – qazaq tilinde, ıaǵnı qazaq tili – bolashaqtyń tili.
Orys tilin bilý – tarıhı artyqshylyǵymyz. Orys tili arqyly qazaqstandyqtar birneshe ǵasyr boıy qosymsha bilim alyp, el ishinde de, shet jerlerde de óz dúnıetanymyndary men aralasatyn ortalaryn keńeıtip jatyr.
Aǵylshyn tilin meńgerý – jastarǵa álem tanýdyń kilti bolmaq. Aǵylshyn tilin bilý bizdiń jastarǵa sheksiz múmkindikter ashady. Ol – jahandanýdyń kepili.
О́zge ult ókilderiniń tilderin oqyp-bilýge, úırenýge jaǵdaı jasaý arqyly ár tildiń ózindik ereksheligin bilemiz, salt-dástúrimen tanys bolamyz.
Qazaqstannyń tilder saıasatyndaǵy basty baǵyt – tilderdiń úshtuǵyrlylyǵy. Tilderdiń birlik pen úılesimde ómir súrýi jáne bir-birin yǵystyrmaýy tilder garmonııasyn quryp, solaı atalyp ta júr. Basymdylyq memlekettik tilge berilip otyrǵany barshaǵa belgili. Aǵylshyn tilin meńgerýge de den qoıylýda. Alaıda, Qazaqstan jerinde turatyn azamattardyń basyn biriktiretin til retinde qazaq tili kósh bastaýy kerek.
Ajar TÝLEÝBAEVA,
№4 Tilemis batyr jalpy bilim beretin mektebiniń aǵylshyn tili pániniń muǵalimi
Jambyl oblysy
Merki aýdany
Aqtoǵan aýyly
