Talantty jastar arasynda uıymdastyrylyp otyrǵan sóz jarysynyń maqsaty qashanda memlekettik tildiń qoldanylý aıasyn keńeıtý, memlekettik til saıasatyn keńinen nasıhattaý, talantty jastardy jan-jaqty qoldaý bolyp tabylady. Tilderdi damytý basqarmasy «Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn» júzege asyrý maqsatynda kórkem ádebıetti, qazaq qalamgerleriniń shyǵarmashylyq murasyn nasıhattaý, qazaqstandyq rýhanı birlikti nyǵaıtý jáne otansúıgishtik sezimdi tárbıeleý, elimizde turyp jatqan barsha ult ókilderin qazaqtyń ulttyq mádenıeti men ónerine, ádebıeti men tiline degen yqylasyn arttyrý, jastar arasynda kitap oqý mádenıetin damytý máselelerin turaqty nazarda ustap keledi.
Baıqaýǵa qatysqan 17-29 jas aralyǵyndaǵy jastar kórkemsóz oqý saıysyn joǵary deńgeıde ótkizdi deýge negiz bar. Qatysýshylarǵa qatań talaptar qoıyldy. О́ner salasynyń mamandary, osy saladaǵy oqý oryndarynyń stýdentteri men ótken jyldardaǵy jeńimpazdary baıqaýǵa jiberilmedi. Atalǵan sóz jarysyna qala aýdandarynan júldeger bolyp tabylǵan jeńimpazdar qatystyryldy.
Baıqaýdyń sharty boıynsha qatysýshylar proza, poezııa, drama kezeńderi boıynsha qazaqtyń belgili aqyn-jazýshylary, dramatýrgteriniń shyǵarmalarynan jatqa úzindi oqydy. Shyǵarmalar Qazaqstan, týǵan jer, táýelsizdik, Astana taqyryptaryn qamtydy.
Qazaqstannyń eńbek sińirgen qaıratkeri G.Esetova, Memlekettik qýyrshaq teatry ádebıet bóliminiń meńgerýshisi J.Ahmetova, aqyn, «Serper» syılyǵynyń laýreaty E.Jumabek qazylar alqasynyń quramynda qatysýshylardyń kórkem mátindi oqý sheberligine, daýys mánerine jáne til tazalyǵyna, mátindi tańdaý talǵamyna, sahnada ózin-ózi ustaýyna, kıim sánine basa nazar aýdardy. Osylaısha «Júzden júırik, myńnan tulpar» shyqqan kórkemsóz saıysynda Bas júlde Dastan Beknurǵa buıyrdy. I oryndy Dınara Baımuhambetova enshilese, II oryndy Talant Hasenov, III oryndy Shoqan Qulnazarov ıelendi. Mánerli sóz sóılep Nurlan Baqytjanov, áýezdi sózimen Aqnıet Amanhan erekshelendi. Ermek Turǵanbekov, Ásem Ábdimáýlenova, Raqymjan Qaldykóz yntalandyrý syılyqtaryna ıe boldy.
Baıqaý júldegerleri men qatysýshylaryn Almaty qalasy Tilderdi damytý basqarmasy Tilderdi damytý jáne úılestirý bóliminiń basshysy B.Qalymbet saltanatty jaǵdaıda marapattady.
Baıqaýdyń bas júldegeri Abaı atyndaǵy kórkemsóz oqý sheberleriniń respýblıkalyq baıqaýyna qatysatyn bolady.
Elvıra Serikqyzy,
«Egemen Qazaqstan»
ALMATY
