Oblys ákimi úkimettik emes uıymdarmen kezdesý barysynda áleýmettik jobalardy qalyptastyrý kezinde ǵylymı-zertteý ortalyqtarymen júrgizilgen zertteý jumystarynyń qorytyndysy, óńirlik statıstıkalyq kórsetkishter, BAQ-tar men ınternet resýrstarda jıi kóteriletin máseleler, úkimettik emes uıymdardyń bastamalary eskerile otyryp ázirlenip jatqanyn aıtty.
«Oblysta aýyldyq deńgeıdegi ÚEU áleýetin arttyrý úshin jergilikti bıýdjetten qarjylandyrý kólemi jyldan-jylǵa artyp keledi. Máselen, 2017 jylǵy 181 jobanyń 100-i Qyzylorda qalasy jáne aýdan ákimdikterimen iske asqan bolsa, aǵymdaǵy jylǵy 139 áleýmettik jobanyń 79-y aýdandyq deńgeıde júzege asyrylýda. Osy oraıda jobalaryń basym bóligi qoǵamdyq kelisimdi jáne ulttyq birlikti nyǵaıtýǵa, jastar saıasatyn iske asyrý men balalar bastamalaryn qoldaý, halyqtyń áleýmettik turǵydan osal toptaryna qoldaý kórsetý áleýmettik qyzmet salalarynda ekenin atap ótken jón», - dedi oblys ákimi.
Sondaı-aq, aımaq basshysy Qyzylorda oblysy ÚEU qyzmetin qarjylandyrý boıynsha kóshbasshylar qatarynda ekenin atap ótti.
«2017 jyldyń qorytyndysy boıynsha Qyzylorda oblysy Úkimettik emes uıymdardyń qyzmetin belsendi etý boıynsha qarjylandyrý jaǵynan Astana men Almaty qalalarynan keıin 3-shi oryndy ıelendi. Bul sizder men bizderdiń birlikte atqarǵan jumysymyzdyń nátıjesi dep bilemin. Budan basqa, aımaqta Úkimettik emes uıymdardy bıýdjetten tys kózderden qarjylandyrylady», - dedi aımaq basshysy.
Atap aıtqanda, óńirde «Daǵdarys jaǵdaıyna tap bolǵan balalar men analarǵa arnalǵan áleýmettik qonaq úı» jobasy iske asyrylýda. Qazaqstan Respýblıkasy Din isteri jáne azamattyq qoǵam mınıstrliginiń granty negizinde jergilikti Úkimettik emes uıymdarǵa ádistemelik kómek kórsetý úshin jarııalanǵan konkýrstyń jeńimpazy bolyp «Qyzylorda oblysynyń Azamattyq Alıansy» Qaýymdastyǵy Úkimettik emes uıymdarǵa arnalǵan resýrstyq ortalyq taǵaıyndaldy.
О́ńirimizdegi ońtaıly isterdiń jalǵasy retinde áleýmettik jobalardy uzaq merzimdi qarjylandyrý máselesi, onyń ishinde múgedek azamattardy ońaltý men áleýmettendirýge baǵyttalǵan jobalardy qarjylandyrý máselesi oń sheshimin tapqan. Mysalǵa: múgedekterdiń aqparattyq tehnologııalyq saýattylyǵyn kóterý, elektrondy ákimdik baǵdarlamasyn qoldanýdy úıretý, «Invataksı» áleýmettik jobalary.
Budan basqa, aımaqtaǵy qoǵamdyq keńesterdiń qyzmetin turǵyndar arasynda keńinen nasıhattaý maqsatynda Úkimettik emes uıymdarmen birlesip, qoǵamdyq baqylaýdy damytý áleýmettik jobasy iske asyryla bastady.
Jergilikti qoǵamdyq birlestikterdiń basshylary salalary boıynsha júzege asyrylyp jatqan jobalar týraly baıandama jasady.
Kezdesý barysynda bılik pen úkimettik emes uıymdardyń ózara qarym-qatynasyn ornyqtyratyn keńester jáne ortalyq atqarý organdarynda salalyq úkimettik emes uıymdar qatysýlarymen konsýltatıvtik-keńestik organdardyń qyzmet jasaýy, elimizdiń áleýmettik modernızasııasynda úkimettik emes uıymdardyń alatyn orny men bılikpen birlesken is-qımyldyń mańyzy jaıly aıtyldy, azamattyq qoǵam ókilderi úkimettik emes sektoryn damytý sharalary jaıly usynys-pikirlerin aıtty.
