«Qurmetti qaýym, sizderdi kásibı merekelerińizben shyn júrekten quttyqtaımyn! Elordamyzda densaýlyq saqtaý salasy serpindi damyp keledi. Elbasymyz aıtqandaı, halyqtyń sanyn saqtaý - eń basym strategııalyq eń basym mindetterdiń biri. О́ıtkeni adam janyn saqtap qalýdan basqa artyq qasıet joq. О́mirge kelgennen bastap, biz sizderdiń meıirimderińizben shapaǵattaryńyzǵa bólenip kelemiz. Adamzat úshin adamnyń amandyǵynan asqan baılyq joq. Al ony myna otyrǵan sizder saqtap, qorǵap kelesizder. Osyǵan oraı, barlyǵymyzdyń atymyzdan sizderge zor alǵysymdy bildiremin!», - dedi Áset Isekeshev «Altyn shıpager» syılyǵyn tabystaý saltanatynda.
Aıta keteıik, elordanyń densaýlyq saqtaý salasynyń mamandaryna arnalǵan «Altyn shıpager» syılyǵy bıyl alǵash ret uıymdastyryldy. Oǵan qatysýǵa myńnan astam ótinish túsken.
Syılyq 10 atalym jáne eki arnaıy nomınasııa boıynsha tabystaldy. Arnaıy syılyqtyń birin «Habar» arnasy taǵaıyndady, al bireýi medısına salasynyń damýyna úles qosqan ardager mamanǵa berildi.
Nomınanttardyń barlyǵy bir mıllıon teńge kólemindegi syıaqy men arnaıy tapsyryspen lavr japyraǵynyń úlgisinde jasalyp, altyn jalatylǵan músinge ıe boldy.
