Kezdesý barysynda Qazaqstannyń ınvestısııalyq ahýalyn odan ári jaqsartýdyń negizgi baǵyttary talqylandy. Atap aıtqanda, aldaǵy bes jylǵa arnalǵan seriktestik strategııasyn damytý, Qazaqstannyń eksporttyq áleýetin keńeıtý, bıznes ahýalyn jáne memlekettik ınstıtýttardy nyǵaıtý, sondaı-aq adam kapıtalyn aıtarlyqtaı kúsheıtý máseleleri qaraldy.
Yntymaqtastyq ornaǵan ýaqyttan beri Dúnıejúzilik bank QR-ǵa 46 jobany qarjylandyrý úshin $8,1 mlrd-tan astam qaryz bergen. Búgingi tańda Dúnıejúzilik banktiń jobalar qorjyny 22 jobadan turady, onyń ishinde 7 aǵymdaǵy joba jáne 15 joba jalpy $4,1 mlrd somasyna seriktestik týraly kelisimder aıasynda iske asyrylýda. Aǵymdaǵy jobalardyń qorjyny $3,2 mlrd somasyna 7 jobany qamtıdy.
Halyqaralyq qarjy korporasııasynyń Qazaqstandaǵy strategııasy ınfraqurylymǵa qoljetimdilikti arttyrýǵa, qarjy sektoryn nyǵaıtýǵa jáne ekonomıkany ártaraptandyrýǵa jáne básekege qabilettilikti arttyrýǵa qoldaý kórsetýge baǵyttalǵan. 1997 jyldan beri korporasııa QR ekonomıkasyna $1,4 mlrd astam ınvestısııa saldy, sonyń ishinde qarjy, gaz, taý-ken ónerkásibi, aýyl sharýashylyǵy jáne ónerkásip salalarynda jeke sektordyń 60 jobasyn iske asyrýǵa qoldaý kórsetý úshin, birlestirilgen qaryzdar túrinde $300 mln ınvestısııa saldy.
