Oblys ákimi Bolat Baqaýovtyń aıtýynsha, byltyr «Bıznestiń jol kartasy-2020» memlekettik baǵdarlamasy aıasynda 200 kásipkerge jalpy somasy 2,7 mlrd. teńge kóleminde kómek kórsetildi. Kásipkerlik nysandaryna 2,1 mlrd. teńgege ınjenerlik-kommýnıkasııalyq ınfraqurylym tartylypty. «Nátıjeli jumyspen qamtýdy jáne jappaı kásipkerlikti damytý» baǵdarlamasy boıynsha 1 mlrd. 300 mıllıon teńgege 200 nesıe berilgen.
Al, «Bıznes bastaý» jobasy boıynsha oblysta 530 mıllıon teńgege mal sharýashylyǵy salasy, metall óńdeý, jıhaz jasaý jáne bylǵary buıymdardy damytý sııaqty 146 joba qarjylandyryldy. Qosymsha qarjylandyrý nátıjesinde bıznes bastaý úshin nesıe alýshylar sany da kóbeııýde.
Jıynda «Atameken» Ulttyq kásipkerler palatasynyń tóralqa tóraǵasy Tımýr Qulybaev elimizde kásipkerlikti damytyp, jańa bıznes-jobalardy qarjylandyrýdyń tetikterin qarastyrý úshin arnaıy aımaqtyq damý kartasy ázirlenýi tıis. Kásipkerlermen qatar, stýdentterge de bıznestik qyr-syryn úıretýdiń qajettiligine toqtaldy. Kelesi jyldary mektepterde «Kásipkerlik jáne onyń negizderi» páni oqytyla bastaıdy.
Oblystyq Kásipkerler palatasynyń dırektory Serik Baıseıitovtiń aıtýynsha, qazir memlekettik seriktestik baǵytynda 32,1 mlrd. teńgeni quraıtyn 64 jobanyń tizimi ázirlengen.
Jıyn barysynda jergilikti kásipkerler qajetti máselelerin ortaǵa saldy.
Farıda BYQAI,
«Egemen Qazaqstan»
Pavlodar oblysy
