«Komıssııa oqıǵa ornynda jumys istep jatyr. Tańerteńnen beri eksperımenttik sharalar júrgizildi. О́ıtkeni BAQ-ta túrli nusqalar jarııalanýda. Osyǵan oraı búgingi eksperıment barysynda poıyzdardyń janama soqtyǵysýy rastalmady. Qazirgi kezde barlyq sebepter anyqtalýda», - dedi vedomstvo basshysy.
Sonymen qatar mınıstr temirjol boıyndaǵy qozǵalys qalpyna keltirilgenin eske salyp ótti. Onyń aıtýynsha, poıyz apatynyń mán-jaıyna qatysty jáne ózge suraqtarǵa baılanysty arnaıy baspasóz máslıhaty ótedi. «Zardap shekkender men qaza bolǵan adamǵa qatysty ótemaqy boıynsha sheshim QTJ-men birlese jasalady. Jalpy, tekserý sharalary tıisti ýaqytty qajet etedi», - dedi Jeńis Qasymbek.
Munymen qosa ol komıssııa ókilderi poıyz mashınısiniń is-qımyldaryna da baǵa beretinin jetkizdi. «Kez kelgen kólik quraly, ıaǵnı temirjol jolaýshylar quramy mindetti túrde qajetti jóndeý jumystarymen jáne basqa da sharalarmen qamtylady. Atap aıtqanda, bul talaptar qatań túrde oryndalady. Eger de poıyz jolǵa shyqsa, onda osy kólik tehnıkalyq turǵyda durys bolǵanyn bildiredi», - dedi J. Qasymbek.
Eske salaıyq, keshe Astanadan Almatyǵa bara jatqan jolaýshylar poıyzy apatqa ushyrap, bir adam qaza tapqan bolatyn.
