Konkýrs baǵdarlamasy san túrli taqyryptardan quralǵan bolatyn, olar: «Qaısar» áskerı-sport saıysy, «Barys» áskerı qoıan-qoltyq kúresi, oq daıyndyǵynan «Mergen» etapy, áskerı tehnıkany júrgizýden «Tulpar», bilimdiler arasynan «Bilimpaz» etapy, «Sheber» tehnıkalyq daıyndyq taqyryby, «Densaýlyq» áskerı-medısınalyq daıyndyǵy men «Baǵdar» áskerı topografııa taqyryptary.
Konkýrs nátıjesi boıynsha «Úzdik batalon serjanty» ataǵyn 30238 áskerı bóliminen (Aqtobe) 3 synypty serjant Artýr Qazybaev ıelendi. «Úzdik rota serjanty» ataǵy 75488 áskerı bóliminiń áskerı qyzmetshisi (Aqtaý) 3 synypty serjant Samat Abaıulyna buıyrsa, 99116 áskerı bóliminen serjant Jumaǵalı Muzdaq pen kishi serjant Almashan Mambetov, sáıkesinshe «Úzdik vzvod serjanty» men « Úzdik bólimshe serjanty» nomınasııalarynda jeńimpaz atandy.
- Biz jyl saıyn osy konkýrstyń deńgeıi men serjanttardyń kórsetkishterin jaqsartýǵa barymyzdy salamyz kelemiz. Búgingi kúni, serjant korpýsy «men sııaqty jasa, menen de jaqsy jasa» uranymen jeke quramdy alǵa jetelep, óńirlik qolbasshylyqtyń qýatyn arttyrýǵa óz septigin tıgizip keledi, dedi 99116 áskerı bóliminiń serjanty - 2 synypty serjant Baǵdat Ulyqpanov.
Konkýrs sońynda jeńimpazdar baǵaly syılyqtarmen jáne gramotalarmen marapattaldy. Sonymen qosa, ár taqyryptaǵy úzdik serjanttarda nazardan tys qalmady.
Búgingi kúni «Batys» óńirlik qolbasshylyǵy serjanttar quramy, jeke quramnyń jaýyngerlik jáne dene daıarlyǵyndaǵy, joǵary áskerı tártipti ustaýdaǵy, kúndelikti áskerı qyzmet úrdisin qadaǵalaýdaǵy alatyn oryndary zor.
Rústem Igısınov,
«Batys» óńirlik qolbasshylyǵy Basqarmasynyń baspasóz qyzmeti, aǵa leıtenant.
Mańǵystaý oblysy
