Joba alǵash ret Qazaqstan halqy Assambleıasynyń XXVI sessııasynda kóterilgen bolatyn. Joba «Rýhanı jańǵyrý»baǵdarlamasyn júzege asyrý aıasynda barsha qazaqstandyqtardyń ortaq mádenı kodynyń, birtutas qundylyqtarynyń jáne jalpyulttyq tarıhı sanasynyń negizinde halyqtyń birligin nyǵaıtýǵa baǵyttalǵan. Sondaı-aq Qazaqstan etnostarynyń arasynda «Rýhanı jańǵyrý» baǵdarlamasynyń jobalaryn damytýǵa baǵdarlanǵan.
Jıyndy ashqan QHA Tóraǵasynyń orynbasary – Hatshylyq meńgerýshisi L.A.Prokopenko «Ǵylymı-tanymdyq «Qazaqtaný» jobasy - qazaq mádenıetin, tarıhyn, fılosofııasyn, sondaı-aq qazaq halqynyń qundylyqtaryn barlyq qazaqstandyq etnostar arasynda dáripteýge arnalǵan. Bul jobaǵa erekshe kóńil bólinip otyr, joba biryńǵaı qundylyqtardy qalyptastyrýǵa óz úlesin qosady dep oılaımyn », - dedi.
Sondaı-aq, is-shara sheńberinde «Jer tarıhy – el tarıhy» ekspedısııasy men «Taýlardy alasartpaı, dalany asqaqtataıyq» jobalary júzege asady.
Mádına JÁLELQYZY,
“Egemen Qazaqstan”
