Fýtbol • 19 Maýsym, 2018

Chempıondar lıgasy. «Astananyń» irikteý kezeńindegi qarsylasy belgili boldy

382 ret

kórsetildi

1 mın

oqý úshin

Búgin Shveısarııanyń Non qalasynda fýtboldan Chempıondar lıgasy 2018/2019 maýsymynyń birinshi jáne ekinshi kezeńiniń jerebesi tartyldy. Tórtinshi jyl qatarynan atalmysh básekede el namysyn qorǵaıtyn «Astana» komandasy birinshi kezeńde Chernogorııanyń «Sýteska» (Nıkshıch qalasy) klýbymen kúsh synasatyn boldy.

Egemen Qazaqstan

Chempıondar lıgasy. «Astananyń» irikteý kezeńindegi qarsylasy belgili boldy

Osyǵan deıin Qazaqstannyń eshbir komandasy bul ujymmen kezdespegen. «Sýteska» 1927 jyly qurylǵan.

Alǵashqy kezeńde San-Marınonyń «La Fıorıta» jáne Gıbraltardyń «Lınkoln» klýbtary synǵa túsip, olar birinshi kezeńde oınaıtyn ózge 31 komandanyń qataryn tolyqtyrady. «Astana» jarysty osy satydan bastaıdy. Oǵan qarsylas retinde ÝEFA talaptaryna sáıkes aldyn-ala «Spartak» (Trnava, Slovakııa), «Valletta» (Malta), «Alashkert» (Armenııa), «Sýteska» (Chernogorııa), «Spartak» (Iýrmala, Latvııa) jáne «Flora» (Estonııa) komandalary ataldy.

Bul kezeńde jeńilgen komanda jarysty Eýropa lıgasynyń ekinshi irikteý kezeńinen bastaıdy. Al Qazaqstannyń «Qaırat», «Ertis», «Tobyl» komandalary oıyndaryn Eýropa lıgasynyń birinshi irikteý kezeńinen bastaıdy. Bul kezeńniń jerebe tartý rásimi 20 maýsym kúni Astana ýaqytymen 17.00-de Shveısarııanyń Non qalasyndaǵy ÝEFA-nyń shtab-páterinde ótkiziledi.