Q.Toqaev negizgi eki aǵymnyń – jahandaný men ultshyldyqtyń túıisýi saldarynan týyndaǵan álemdegi jaǵdaılardyń shıelenisti sıpattaryn atap ótti. Tóraǵa sondaı-aq qazirgi zamandaǵy halyqaralyq qatynastarda birinshi kezekte naryq jolyndaǵy kúres kórinis taýyp otyrǵanyna toqtaldy. Osyǵan baılanysty yqpaldasý birlestikterindegi prosester salmaqty taldaýdy qajet etedi. Qazaqstan ekonomıkasynyń múddesine oraı áleýetin kúsheıtý turǵysynda Eýrazııalyq ekonomıkalyq odaqqa erekshe nazar aýdarylýy tıis. Tóraǵa sarapshylardy jahandyq saıasatta salmaqty oryn ala bastaǵan ShYU máselelerimen shuǵyldanýǵa shaqyrdy. Qazaqstannyń Ortalyq Azııadaǵy negizgi memlekettermen yntymaqtastyǵy irgeli taldaý jumystary boıynsha damýy tıis.
Q.Toqaevtyń pikirinshe, Keńes aıasynda júzege asatyn taldaý jumystaryna ınstıtýttardyń, ortalyqtardyń, jalpy alǵanda úkimettik emes uıymdardan turatyn búkil azamattyq qoǵam ókilderin keńinen tartý kerek.
Baıandamashy Astana halyqaralyq qarjy ortalyǵynyń tusaýkeseri; Kaspıı mańy memleketteriniń sammıti; Álemdik jáne dástúrli dinder lıderleriniń VI Sezi sekildi alda bolatyn geosaıasattaǵy mańyzdy oqıǵalar turǵysynda sarapshylardyń kúsh-jigeri qajet bolady. Bul oqıǵalar sarapshylardan orta jáne uzaq merzimdegi keleshekke kásibı boljam jasaýdy jáne paıdaly usynystar ázirleýdi talap etedi.
Qazaqstannyń halyqaralyq qatynastary jónindegi keńestiń tóraǵasy Erlan Qarın Keńestiń 2017 jylǵy jumysy týraly esebi jáne 2018-2019 jyldarǵa is-qımyldyń basym baǵyttary týraly sóz sóıledi.
Sharaǵa elimizdiń syrtqy ister mınıstri Qaırat Ábdirahmanov, Prezıdenttiń kómekshisi Nurlan Onjanov, otandyq jetekshi taldaý ortalyqtarynyń basshylary, sarapshylar qaýymdastyǵynyń ókilderi qatysty.
