Zań jobasy balanyń quqyqtaryn qorǵaýdy basym túrde qamtamasyz etý qajettiligi negizge alyna otyryp, balalardyń aqparattyq qaýipsizdigin qamtamasyz etýge baǵyttalǵan, onyń ishinde Qazaqstan Respýblıkasy ratıfıkasııalaǵan BUU-nyń Bala quqyqtary týraly konvensııasynda bekitilgen, halyqaralyq quqyqtyń jalpy tanylǵan qaǵıdattary men normalaryna sáıkes ázirlendi.
Zań jobasynyń mindeti balalardy fızıkalyq jáne psıhıkalyq densaýlyǵyna, ımandylyq, rýhanı, psıhıkalyq, fızıkalyq jáne áleýmettik jaǵynan damýyna zardabyn tıgizetin aqparattan, onyń ishinde zorlyq-zombylyq pen qatygezdikti, pornografııany, qoǵamǵa jat jáne quqyq buzýshylyq minez-qulyqty nasıhattaıtyn baspa, aýdıo- jáne aýdıo-beıne ónimderdi, elektrondyq jáne kompıýterlik oıyndardy taratýdan qorǵaýdyń uıymdastyrýshylyq-quqyqtyq tetikteri men zańnamalyq kepildikterin engizý bolyp tabylady.
Osyǵan baılanysty zań jobasymen:
balalardy densaýlyǵy men damýyna zardabyn tıgizetin aqparattan qorǵaý basymdylyǵyn aıqyndaý;
jas synyptamasy men aqparattyq ónimdi markalaýdy engizý;
balalardyń densaýlyǵy men damýyna zardabyn tıgizetin aqparatty taratýǵa baqylaý men qadaǵalaýdy júzege asyrý jónindegi fýnksııalardyń arajigin ajyratý;
aqparattyq ónimdi markalaýdy júzege asyratyn sýbektilerdi (menshik ıesi jáne (nemese) taratýshy) aıqyndaý jónindegi sharalar retteledi.
Senatorlar odan basqa «Qazaqstan Respýblıkasynyń keıbir zańnamalyq aktilerine balalardy densaýlyǵy men damýyna zardabyn tıgizetin aqparattan qorǵaý máseleleri boıynsha ózgerister men tolyqtyrýlar engizý týraly» zań jobasyn da qarady.
Negizgi zań jobasynyń tujyrymdamalyq baǵyttaryn eskere otyryp, jeti zańnamalyq aktige, onyń ishinde Qylmystyq kodekske jáne Kásipkerlik kodeksine, Ákimshilik quqyq buzýshylyq týraly kodekske, «Buqaralyq aqparat quraldary týraly», «Qazaqstan Respýblıkasyndaǵy balanyń quqyqtary týraly», «Mádenıet týraly», «Teleradıo habarlaryn taratý týraly» zańdarǵa ózgerister men tolyqtyrýlar engizý usynylady.
Bul túzetýler salaaralyq sıpatqa ıe, balalardy densaýlyǵy men damýyna zardabyn tıgizetin, Qazaqstan Respýblıkasynyń zańdarynda tyıym salynbaǵan kez-kelgen tásilmen ashyq taratylatyn aqparattan olardyń aqparattyq qaýipsizdigine baılanysty qatynastardy keshendi túrde quqyqtyq retteýge arnalǵan.
Qylmystyq kodeks pen Ákimshilik quqyq buzýshylyq týraly kodekske túzetýlermen balalardy densaýlyǵy men damýyna zardabyn tıgizetin aqparattan qorǵaý salasyndaǵy zańnamany buzǵany úshin tıisti jaýaptylyq kózdeledi.
Kásipkerlik kodeksine, «Buqaralyq aqparat quraldary týraly», «Qazaqstan Respýblıkasyndaǵy balanyń quqyqtary týraly», «Mádenıet týraly» jáne «Teleradıo habarlaryn taratý týraly» zańdarǵa qoldanystaǵy normalardy negizgi zań jobasynyń erejelerimen ushtastyrýǵa baǵyttalǵan ózgerister engiziledi, atap aıtqanda fılmderdiń jas synyptamasy engiziledi, fılmderdiń jas sanaty belgisin paıdalaný reglamentteledi.
Zań jobasy balalardyń tolyqqandy ımandylyq, rýhanı, psıhıkalyq, fızıkalyq jáne áleýmettik jaǵynan damýyna zardabyn tıgizetin aqparattan olardy qorǵaý salasyndaǵy qazirgi zamanǵy aqparattyq keńistik jaǵdaıyndaǵy balanyń aqparattyq qaýipsizdikke quqyqtaryn qamtamasyz etýdiń tıimdi tetikterin qurýǵa múmkindik beredi.
Zań jobasy qoldanysqa engizilgennen keıin balalardy agressıvti, qatygez, qoǵamǵa jat minez-qulyqqa, quqyqqa qaıshy áreketterge ıtermeleıtin, psıhıkasyn zaqymdaıtyn jáne buzatyn yqpaldar azaıa túsetin bolady.
Zań jobalary Palatanyń qaraýyna jiberildi.
