Baıqaýǵa Almaty qalasyn qatysqan, qaladaǵy joǵary oqý oryndarynyń birinde dızaın páninen sabaq beretin Aıjuldyz Abykeeva 1-oryn men Canon 7d Mark fotokamerasyn jeńip aldy. 2-orynnyń jáne elektrondy stedıkamnyń ıegeri Qaraǵandy Memlekettik ýnıversıtetiniń 1-kýrs stýdenti Berdibek Qazyǵulov atandy. Ol Mańǵystaý oblysynyń Boranqul aýylynan «Serpin» baǵdarlamasy arqyly oqýǵa túsip, «Aqparattyq tehnologııalar» mamandyǵy boıynsha bilim alýda.
Astana qalasynyń Ishki ister departamentiniń mamany Erbolat Orymbaev joǵary oqý oryndarynda jataqhanalardyń jetispeýshiligi týraly áleýmettik rolık túsirip, 3-orynǵa berilgen DJI Osmo kamerasyn utyp aldy. Al Dınara Qurmanǵojına usynǵan jumys arnaıy júldege laıyq dep tanylyp, GoPRo ekshn-kamerasyn syıǵa aldy. 
Baıqaýdyń basty maqsaty – jastardy Elbasy jarııalaǵan áleýmettik bastamalarmen, solardyń ishinde, turǵyn úı baǵdarlamasy, bilim berý granty, salyq calý máselesi, shaǵyn jáne orta bıznesti damytý syndy bastamalarmen tanystyrý. Uıymdastyrýshylar jeńimpazdarǵa shyǵarmashylyq tabys tilep, syılyqqa alǵan tehnıkalarmen túsirilgen sapaly vıdeolardy kútetinderin jetkizdi.
