Monıtorıngke saraptamalyq komıssııa basshysy, ákim keńesshisi jáne «Nur Otan» fraksııasyndaǵy oblystyq máslıhat depýtaty A.Salmanov, «Nur Otan» partııasy Mańǵystaý oblystyq fılıalynyń qoǵamdyq qabyldaý bóliminiń meńgerýshisi M.Jaılybaev, oblystyq fılıaldyq uıymdastyrý-baqylaý bóliminiń meńgerýshisi S.Djýldasova jáne oblystyq densaýlyq saqtaý basqarmasynyń qyzmetkerleri qatysty.
Monıtorıng júrgizilgen mekemelerdiń biri Aqtaý qalasy 26 shaǵyn aýdanda ornalasqan oblystyq Perzenthanaǵa qatysty oblys turǵyndarynan shaǵym túspegen, alaıda, osy perzenthanada zamanaýı tehnıkalyq apparattardyń jetispeýi saldarynan kedergiler bolyp turatyndyǵy anyqtaldy.
Perzenthananyń bas dárigeri J.Jamanbaevanyń aıtýynsha, ortalyqqa kúnine 40-50 áıel kelip bosanady eken.
-Mańǵystaý oblysy boıynsha bala sanynyń ósimi basqa oblystarmen salystyrǵanda óte joǵary, máselen kúnine qyryqtan asa áıel kelip tússe, bosanyp alǵan qyryǵy shyǵarylady. Bizdiń ortalyqta ázirshe eki-úsh qana ÝZI apparaty bar, olardyń qoldanysqa engenine alty jyldan asty. О́tken jyly 200 aqaýy bar bala dúnıege kelse, bıyldyń ózinde sońǵy alty aıda 163 balanyń aqaýy bolǵan. Osyndaı aqaýlardy anyqtap, aldyn alý úshin oblysqa volıýson E-10 ÝZI apparatynan 16 dana qajet, -dedi ol.
Bas dáriger jetispeıtin ÝZI apparattarymen qatar, keıbir dáriger mamandardyń da ortalyqqa qajettiligin atap ótti.
Monıtorıng júrgizgen oblystyq máslıhat depýtaty A.Salmanov bas dárigerdiń muqtajyn oblys ákimi orynbasary R. Sákeev aıtty.
-Oblys ákimi orynbasary Rýslan Sákeev jyl sońyna deıin 16 ÝZI apparatynyń qajet etken aýrýhanalarǵa jetkizilip, tolyq qamtamasyz etiledi dep ýáde etti, - dedi depýtat.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
