Otyrysta Astana qalasynyń 20 jyldyq mereıtoıyna daıyndyq pen oǵan arnalǵan sharalardy ótkizý jónindegi jospardyń oryndalý barysy jóninde jáne «Rýhanı jańǵyrýǵa» baılanysty sharalar aıtyldy. Bul jóninde Oblystyq mádenıet basqarmasy basshysy P.Sarmýrzına aıtyp berdi.
- Jyl basynan beri Astana qalasynyń 20 jyldyǵyna qarsy Mańǵystaý oblysy boıynsha kóptegen merekelik sharalar ótkizildi. Josparǵa sáıkes oblys kitaphanalarynda «Rýhy bıik - Astana» júrmeli kórmesi, «Jasa, jaına Elorda» kitap kórmesi, «Astana - jarqyn qala» taqyryptyq kesh, «Araıly Astana – elimniń kórki» ıntellektýaldyq oıyn – saıys, «Astana balalar kózimen....» atty sýret salý saıysy sekildi tanymdyq sharalar ótkizilýde. 1-4 shilde aralyǵynda Astana qalasynyń 20 jyldyǵyna Mańǵystaý oblysynda kóptegen mádenı is-sharalar josparlanýda, dedi ol.
Ekinshi másele boıynsha, Mańǵystaý oblysynda «Rýhanı jańǵyrý» baǵdarlamasyn iske asyrý sheńberinde atqarylyp jatqan jumystar jaıly «Rýhanı jańǵyrý» óńirlik jobalyq ofısiniń basshysy G. Azan baıandady.
- «Mańǵystaý oblysynyń materıaldyq jáne materıaldyq emes tarıhı – mádenı muralary (etnografııalyq, etnoarheologııalyq, etımologııalyq, toponımıkalyq, tarıhı – sáýlet, arabografııalyq zertteýler)» taqyrybynda oblystyq keshendi ekspedısııasy uıymdastyryldy. Jergilikti tarıhshy ǵylymdar jáne ólketanýshylarmen birlese otyryp, keshendi ekspedısııanyń baǵyttary talqylanyp, jospary daıyndaldy. Ekspedısııa músheleriniń quramyna respýblıkaǵa tanymal jáne Reseı, Ázirbaıjan, Túrkııa elderinen mamandar tartyldy. 14 mamyr kúni ekspedısııa músheleri qatysýymen baspasóz konferensııasy ótkizildi, «Mańǵystaý» arnasynda «Orta tolsyn» baǵdarlamasyna qatysty, dedi ol.
Keleli máselelerdi ortaǵa salǵan keńestiń kelesi otyrysynda da rýhanı jańǵyrýǵa qatysty máseleler ortaǵa salynbaq.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
