Sapar aıasynda Ekonomıkalyq yntymaqtastyq boıynsha úkimetaralyq komıssııanyń otyrysy jáne Qazaqstan-Polsha bıznes forýmy ótti. Sondaı-aq Polsha delegasııasy Astanada ótip jatqan Dúnıejúzilik taý-ken kongresine de qatysýda.
Osy is-sharanyń aıasynda Qazaqstan Prezıdentiniń kómekshisi – Qaýipsizdik Keńesiniń Hatshysy Nurlan Ermekbaev Polshanyń Ulttyq qaýipsizdik bıýrosynyń dırektory Pavel Solohpen kezdesý ótkizip, túrli máselelerdi talqylady. Qos tarap jahandyq jáne aımaqtyq qaýipsizdiktiń ózekti tustaryn, aǵymdaǵy táýekelder, «shıelenisti núktelerde» oryn alyp otyrǵan jaǵdaılar boıynsha pikir almasty. Kezdesý barysynda Nurlan Ermekbaev eki eldiń BUU Qaýipsizdik Keńesiniń turaqty emes músheleri retindegi belsendi yntymaqtastyǵyn atap ótti. Sonymen birge elimizdiń aımaqtyq qaýipsizdik qurylymdarynyń qyzmetine jáne BUU bitimgershilik mıssııalaryna qatysýǵa qatysty kózqarasyn túsindirdi.
О́z kezeginde Pavel Soloh Qazaqstannyń BUU Qaýipsizdik Keńesindegi belsendi tóraǵalyǵyn jáne Memleket basshysynyń jahandyq qaýipsizdik salasyndaǵy beıbitshilikti qoldaý jónindegi bastamalaryn joǵary baǵalap, osylaısha Qazaqstannyń búkil Ortalyq Azııa aımaǵynyń múddesin qorǵap kele jatqandyǵyn jetkizdi.
Qazaqstan men Polsha taraby ekstremızm men terrorızmge qarsy turýdyń birlesken sharalaryn, ekologııalyq qaýipsizdikti qamtamasyz etý máseleleri jónindegi yntymaqtastyq aıasyn keńeıtýdi, sondaı-aq Eýropalyq odaq pen Ortalyq Azııadaǵy jaǵdaılar týraly egjeı-tegjeıli talqylady.
Venera TÚGELBAI,
«Egemen Qazaqstan»
