Elorda tórinde osymen ekinshi márte uıymdastyrylyp otyrǵan ıgi sharaǵa Qazaqstannyń túkpir-túkpirinen 500-ge tarta ustaz qatysyp, sheteldik ádiskerler dáris oqydy. «Edustream» bilim berý kompanııasy uıymdastyrǵan konferensııaǵa aǵylshyn tili pániniń muǵalimderinen bólek, qanatqaqty jobaǵa engen mektepterdiń fızıka, bıologııa, hımııa, ınformatıka pánderiniń oqytýshylary da qatysty. Sondaı-aq alqaly jıyn aıasynda «Ekinshi synyp oqýshylaryna arnalǵan ekinshi til: oınaýǵa úıretý» baıqaýynyń jeńimpazdary marapattaldy.
«Edustream» kompanııasynyń Qyzylorda qalasy boıynsha ádiskeri Dına Medetbekqyzy aıtyp ótkendeı, aǵylshyn tilindegi oqýlyqtar men oqý-ádistemelik keshenderdi jetildirý máselelerin talqylaýǵa arnalǵan bul konferensııa elimizdegi endi júzege asyp kele jatqan jańa jobalarǵa qarqyn beredi.
«Jekelegen pánderdi biryńǵaı aǵylshyn tilinde oqytatyn pılottyq mektepter aǵymdaǵy jarty jyldyqta atalǵan jobany osy oqýlyqtardyń kómegimen bastap ketti. Qazaq halqynyń salt-dástúri, ádet-ǵurpy, tarıhymen ádebıetinen mol maǵlumat beretin oqýlyqtardyń bolashaq urpaqqa aǵylshyn tilin úıretýde mańyzy óte zor», deıdi ádisker D.Sádirbaeva.
Mıras ASAN,
«Egemen Qazaqstan»
