Jumys sapary barysynda aralanǵan birqatar áleýmettik nysandar: «Nurly jer» turǵyn úı qurylysy memlekettik baǵdarlamasy aıasynda salynyp jatqan «Otyrar» jańa shaǵyn aýdany jáne Q. A. Iаssaýı atyndaǵy Halyqaralyq qazaq-túrik ýnıversıteti.
B. Saǵyntaev pen Á. Jaqsybekovke Túrkistan qalasyn damytýdyń Bas josparyn iske asyrý barysy týraly baıandalyp, jańa ákimshilik-iskerlik ortalyqty damytý josparlary, atap aıtqanda áleýmettik, jol, qurylys ınfraqurylymdaryn jáne TKSh odan ári jańǵyrtý josparlary usynyldy.
Sonymen qatar Túrkistan oblysynyń ákimi J. Túımebaev «Kóne Túrkistan» tarıhı bóligin jańǵyrtý jobasy týraly aıtyp berdi. Joba Q. A. Iаssaýı kesenesi mańyndaǵy qorǵandardy rekonstrýksııalaýǵa baǵyttalǵan jáne 2026 jylǵa deıin júzege asyrylady.
Búgingi tańda Túrkistan qalasynyń aýmaǵy 7,4 myń km² quraıdy. Ákimshilik bólý aıasynda qala 12 kent jáne aýyldyq okrýgten jáne 35 eldi mekennen turady. 1 mamyrdaǵy jaǵdaı boıynsha halyq sany 263 myń adamdy quraıdy.
Osy jyldyń qańtar–mamyr aralyǵynda ónerkásiptik óndiris kólemi 6329,6 mln teńgeni nemese 2017 jyldyń osyndaı kezindegi kórsetkishtiń 108,5% qurady. Aýyl sharýashylyǵy ónimderiniń kólemi 5,9%-ke 8392,4 mln teńgege deıin ulǵaıdy.
1 maýsymdaǵy jaǵdaı boıynsha, áreket etip turǵan ShOB sýbektileriniń sany 13,3 myńdy qurady, bul ótken jyldyń sáıkes kezeńimen salystyrǵanda 1,5%-ke joǵary kórsetkish. Qurylys jumystarynyń kólemi 2896,3 mln teńgeni (100,9%) qurady. 33 368 m² turǵyn úı nemese ótken jyldyń tıisti kezeńindegi deńgeımen salystyrǵanda 101,9% paıdalanýǵa berildi.
Eske sala keteıik, keshe Memleket basshysynyń «QR ákimshilik-aýmaqtyq qurylysynyń keıbir máseleleri týraly» Jarlyǵymen Ońtústik Qazaqstan oblysy Túrkistan oblysy dep qaıta atalyp, ákimshilik ortalyǵy Túrkistan qalasy boldy.
«Oblys ortalyǵy ǵasyrlar boıy Qazaq handyǵynyń jáne búkil túrki áleminiń saıası ári rýhanı ortalyǵy bolǵan Túrkistan qalasyna kóshiriledi», — dedi Qazaqstan Prezıdenti N. Nazarbaev Jarlyqqa jarııa túrde qol qoıý rásiminde.
