Tóraǵa áńgime barysynda kóptegen ótkir máseleler talqylanǵanyn atap ótti. «Buqaralyq aqparat quraldarynda erekshe yqylas týǵyzǵan suhbattyń bir bóligine qatysty aıtar bolsaq, meniń jaýabymnyń maǵynasy Elbasynyń mártebesi Tuńǵysh Prezıdent – Elbasy týraly zańda da, taıaýda qabyldanǵan «Qaýipsizdik Keńesi týraly» zańda da naqtylanǵany týraly bolatyn. Prezıdent kelesi saılaýǵa qatyssa da, qatyspasa da ishki jáne syrtqy saıasat máseleleri boıynsha sońǵy sheshimdi ózi aıtady. Ol zańda belgilengen, ol Elbasy jáne solaı qala beredi.
Q. Toqaevtyń aıtýynsha, Elbasy aldaǵy saılaýǵa qatysý týraly sheshimdi parasatty ári dana adam retinde ózi qabyldaıdy.
«Halyqaralyq arenada Elbasynyń bedeli zor, - dep atap ótti Q. Toqaev. – Ony is júzinde bizdiń elimizdiń barlyq turǵyndary qoldap otyr, sondyqtan ol suhbat kezinde aıtylǵandarǵa qara bultty tóndirýdiń qajeti joq. Ol óte qyzyqty ári kúrdeli suhbat boldy. «Hardtalk» («Aýyr áńgime») aıasynda suhbat berý ońaı emes ekeni túsinikti. Sonda da men osy áńgimelesýge kelisken durys dep eseptedim, óıtkeni biz demokratııany jáne elimizdiń ekonomıkalyq áleýetin damytý úshin el ishinde ne istep jatqanymyzdy Batys túsiný úshin jıi aıtyp turýymyz qajet. Meniń oıymsha, suhbat bul turǵyda paıdaly boldy».
