Q. Toqaev Qazaqstannyń Eýropadaǵy saýda, ınvestısııa jáne syrtqy saıasattaǵy mańyzdy áriptesi bolyp tabylatyn Shveısarııamen ekijaqty qatynastarynyń qarqyndy sıpatyn atap ótti. Senat Tóraǵasy eki eldiń zań shyǵarý organdarynda jumys isteıtin dostyq toptary syndarly ról atqaratyn parlamentaralyq únqatysýdyń barysyn joǵary baǵalady. Qazaqstan men Shveısarııa parlamentshileri halyqaralyq parlamenttik uıymdarda, onyń ishinde EQYU Parlamenttik Assambleıa aıasynda tabysty yntymaqtasyp keledi.
Elshi aldaǵy 9-12 shildede ekonomıkalyq yntymaqtastyqtyń máselelerin qarastyrý jáne talqylaý úshin keletin ekonomıka, bilim jáne zertteýler mınıstri Iohann Shnaıder-Amman bastaǵan saýda-ınvestısııalyq delegasııasynyń sapary týraly habardar etti. Qazaqstannyń Eýrazııadaǵy róli men ornyn eskere otyryp, Bernde bul saparǵa basa nazar aýdaryp otyr.
