Olar qorym basynda arheologııanyń tylsym syrlaryna qanyqpaq. Mártók aýdanynyń Rodnıkovka aýyly mańynda eńbek etip júrgen jastardyń arheologııaǵa degen yntyzarlyǵy óte joǵary. Stýdentterdiń ǵalymdarmen qazba jumystaryn birlese júrgizýiniń eki jaqty paıdasy bar. Birinshiden, bolashaq mamandar belgili ǵalymdardan kóp ilim úırense, ekinshiden, ǵalymdardyń da qoly uzarady. Eń bastysy, ortaq is nátıjeli. Aıtalyq, ýnıversıtettiń bıylǵy túlegi Qýandyq Samrat arheologııalyq qazba jumystaryna aralasqan tórt jyldyń ishinde kóńiline kóp dúnıe túıdi. «Osy ýaqyt aralyǵynda arheologııanyń sıntezdik, ıaǵnı birneshe mamandyqtyń túıisetin arnasy ekenin ańǵardym. Arheologııa sonysymen de tuńǵıyǵyna tarta tústi», deıdi ol.
Q.Jubanov atyndaǵy Aqtóbe memlekettik ýnıversıtetiniń rektory Baýyrjan Erdembekov stýdentterdiń qazba jumystaryn júrgizýine qoldaý kórsetilip otyrǵanyn, olardyń jumys isteýi men demalýy úshin arnaıy shatyrlar tigilgenin, qoldanatyn qural-saımandaryn jańǵyrtý isi qolǵa alynǵanyn aıtady. Sondaı-aq ýnıversıtette dalalyq tájirıbege bólinetin saǵattar sany qaıta qarastyrylmaq. Al tarıh-arheologııa mamandyǵyn bitirgen túlekterdiń ári qaraı bilimin magıstratýrada jalǵastyrýyna jol ashyq.
«Stýdentter ózderi júrgizgen qazba jumystarynyń negizinde túrli ǵylymı sıpattaǵy materıaldar jazyp, jarııalap júr. Joǵary oqý ornynda mamandandyrylǵan arheologııalyq zerthana ashýdyń qajettiligi osynda. О́ıtkeni ǵylymı jumystardy súzgiden ótkizý jas zertteýshilerdiń zertteý aıasyn keńeıte túsedi. Bul stýdentterdi ǵylymı-arheologııalyq taldaý jasaýǵa da qulshyndyrady. Iаǵnı, atalǵan jobalar Memleket basshysynyń «Rýhanı jańǵyrý» baǵdarlamasyndaǵy «Týǵan jer» baǵytyn baıypty túrde oryndaýdyń kórinisi bolmaq», deıdi B.Erdembekov.
Temir QUSAIYN,
«Egemen Qazaqstan»
Aqtóbe oblysy
