«Aqyldy kenish» jobasy «Altyn Gefest» baıqaýynda úzdik atandy

«Jyl jobasy» atalymynda «Qashar kenishiniń taý-ken kóligi keshenin basqarý­dyń av­to­mat­tandyrylǵan júıesi» at­ty jumys úzdik dep tanyldy. «Aqyl­dy kenish» jobasy Elbasy Nursultan Nazarbaev qatysqan telekópirde saltanatty túrde iske qosylǵan edi.

Jyl saıyn «Altyn gefest» ult­tyq salalyq baı­qaýyna 100-den astam úmitker ótinim bil­diredi. Bıyl SSKО́B solardyń qa­tarynan kórindi. «Jyl jobasy» atalymynda ekonomıkalyq jáne áleýmettik ál-aýqatty art­tyrý men óndiristik qaıta qu­rý­dy kóbeıtýge baǵyttalǵan ázir­lemeler ne­gizge alynady. Bul oraıda «SSKО́B» AQ mamandary engizgen ınnovasııa – «Qashar ke­nishiniń taý-ken kóligi keshenin bas­qarýdyń avtomattandyrylǵan júıesi» jo­basy esh shúbá týdyrmady, sol sebepti de 2018 jyldyń eń úzdik jobasy dep tanyldy.

Jańa engizilim Qashar kenishin 4.0 In­dýs­trııasy tu­­jyrym­da­masyna saı da­my­týǵa múmkindik beredi. Jobanyń ele­mentteri taý-ken kóligi keshenin naq­­ty ýaqytta avtomattandyrylǵan bas­qarý men dıspetcherlendirýdi, GIS, MES jáne ERP (SAP) júıeleriniń bazasynda jos­parlaýdyń bi­rik­tirilgen ortalyqtaryn, jerse­riktik dál jaıǵas­tyrý men bur­ǵy­laý-jarý jumys­taryn bas­qarýdy engizýmen baılanys­ty. Ná­tıjesinde tıimdilik kór­setkishteriniń aıqyn­dyǵy men ba­qylaýy qamtamasyz etil­di, qyz­­metkerler jedel esepke alý, jabdyqty qoldaný jónindegi shynaıy jáne tolyq aqparatqa 100 paıyz qol jet­kizedi.

«Aqyldy kenish» jobasyn engizýdiń nátıjesinde kásiporyn óndiretin ónim­niń ekonomıkalyq tıimdiligi artty. Eý­razııalyq top bul tehnologııany óziniń bar­lyq ken óndirýshi kásip­oryn­daryna en­gizetin bolady.

– SSKО́B 4.0 Indýstrııasy tehnologııalaryn engizýge ki­ris­ti. Kásiporyn teh­nıkalyq qaı­­ta jaraqtandyrýdy bel­sen­di júrgizýde. Bul rette ekono­mıkalyq tıim­di jobalardy ta­by­sty damytýǵa múm­kin­dik bere­tin, osylaısha elimizdiń taý-ken metallýrgııalyq ke­sheni­niń báse­kege qabi­let­tiligin nyǵaı­tatyn eń zamanaýı tehnologııalar paıdalanylyp jatyr, –dedi Sokolov-Sarybaı ken-baıytý óndi­ristik bir­lestiginiń basshysy Bereke Muha­met­qalıev. 

Sıfrlandyrý baǵdar­lamasy negizinde júzege as­qan «Aqyldy ke­nish» jobasy ken alybyndaǵy eńbekti jeńildete túse­di. О́ndi­ris­tiń básekege qabilettigi artady. 

Názıra JÁRIMBET,
«Egemen Qazaqstan»

Qostanaı oblysy,
Rýdnyı qalasy