«QR Prezıdenti Ákimshiliginiń kelisimi, meniń ókimim, qalalyq máslıhattyń kelisimi boıynsha Qaırat Begimov Jezqazǵan qalasynyń ákimi bolyp saılandy. Qaırat Baıandyulynyń eńbek joly negizinen kommýnaldyq sala jáne qurylyspen baılanysty boldy. Sol sebepti Jezqazǵan qalasynyń ákimi qyzmetine úmitkerlerdi qaraǵan kezde biz qalanyń negizgi máseleleri turǵyn úı-kommýnaldyq sharýashylyǵymen baılanysty ekenin eskerdik», - dedi Erlan Qoshanov.
Jezqazǵannyń burynǵy ákimi Batyrlan Ahmetov óz erkimen qyzmetinen ketken bolatyn. QR Prezıdenti Jarlyǵymen bekitilgen taǵaıyndaý tártipterine sáıkes, jańa qala jetekshisiniń úmitkerligi kezekten tys sessııada jergilikti máslıhat depýtattaryna usynyldy. Depýtattar biraýyzdan úmitker Qaırat Begimovti qoldady.
Qaırat Baıandyuly 1968 jyly 23 aqpanda Qaraǵandyda týǵan. Eki joǵarǵy bilimi bar. 1992 jyly Qaraǵandy polıtehnıkalyq ınstıtýtyn, 2004 jyly Almaty ekonomıka jáne statıstıka akademııasyn «ónerkásip kóliginiń ınjeneri», «qyzmetkerlerdi basqarýshy, ekonomıst» Eńbek jolyn «Qaraǵandy kómir» birlestiginde jekeshelendirý jáne turǵyn úı bóliminiń basshysy bolyp bastaǵan. Keıin Qaraǵandy aýdandarynyń birinde TÚKSh bólimin basqarǵan. Oktıabr aýdanynyń ákimi, Qaraǵandy ákiminiń kommýnaldyq máseleler boıynsha orynbasary, Qaraǵandy oblysy qurylys basqarmasynyń jetekshi orynbasary bolyp qyzmet etti.
Taǵaıyndaýǵa deıin 2015 jyldyń shilde aıynan bastap Qaraǵandy oblystyq energetıka jáne turǵyn-úı kommýnaldyq sharýashylyq basqarmasyna basshylyq etti.
