Fotokórme Astrahan qalasyndaǵy QR Tuńǵysh Prezıdenti Qorynyń kúnderi aıasynda ótkizildi. Fotokórmeniń saltanatty ashylý rásimi jergilikti murajaıdyń eń úlken zalynda Astrahan oblysynyń gýbernatory Aleksandr Jılkın, QR Tuńǵysh Prezıdenti qorynyń atqarýshy dırektorynyń keńesshisi Álııa Qaısharova men Qazaqstan Respýblıkasynyń Astrahan qalasyndaǵy konsýly Qanat Shekkalıevtiń qatysýymen ótti.
Fotokórmeniń qonaqtary oblystyń tanymal memlekettik jáne qoǵamdyq qaıratkerleri, mádenıet jáne ǵylym ókilderi, sondaı-aq Astrahan oblysyndaǵy qazaq dıasporasynyń ókilderi boldy.
«Astana – Uly Dala jaýhary» fotokórmesi alǵash ret ústimizdegi jyldyń sáýir aıynda Reseı men Ispanııa astanalarynda álemdik qaýymǵa tanystyryldy. Máskeýde fotokórme sáýir aıynda ótse, mamyr aıynda Sankt-Peterbýrgte ótti. Jaqyn arada fotokórme London, Berlın, Parıj jáne Beıjiń qalalarynda jalǵasady.
Fotokórme qonaqtary Astananyń ár túrli ǵımarattarynyń 60-tan astam fotosýretterin tamashalaı aldy.
Kartınalar arasynan álemdik biregeı mádenıet obektilerin kórýge bolady. Olardyń ishinde ǵalamnyń 90 epıkalyq ǵımaratyna engen Astananyń basty brendi - «Báıterek», Astananyń EKSPO-ortalyǵyndaǵy dıametri 80 metr sfera nysanyndaǵy erekshe ǵımarat - «Nur-Álem», álemniń eń ádemi 10 prezıdenttik saraılarynyń biri - Qazaqstan Respýblıkasy Prezıdentiniń «Aq Orda» rezıdensııasy. Sondaı-aq belgili brıtandyq sáýletshi Norman Fosterdiń jobasy boıynsha salynǵan elordanyń biregeı qurylystary: «Beıbitshilik jáne kelisim saraıy» - Pıramıda, Gınnestiń rekord kitabyna engizilgen, shatyr nysanyndaǵy álemdegi eń úlken ǵımarat - «Hanshatyr» saýda-oıyn saýyq kesheni jáne «Nazarbaev ortalyǵy» bar.
Fotokórme uıymdastyrýshylarynyń aıtýy boıynsha, Astana - qazaq halqynyń maqtanyshy, elimizdiń jetistikteriniń jarqyn mysaly, táýelsiz memlekettiń nyshany bolyp tabylady. Bıyl Elbasy N.Á.Nazarbaevtyń elordany Astanaǵa kóshirý týraly tarıhı sheshiminiń qabyldaǵanyna 20 jyl tolady. Astananyń damýy búkil Qazaqstandy túbegeıli ózgertip, ony ekonomıkalyq turǵydan kúshti, saıası turǵydan turaqty memleket, jaýapty jáne bedeldi halyqaralyq serikteske aınaldyrdy.
QR Tuńǵysh Prezıdenti Qorynyń atqarýshy dırektorynyń keńesshisi Álııa Qaısharova: «Búgin Astana - beıbitshilik pen kelisim qalasy. Munda «EKSPO-2017» mamandandyrylǵan kórmesi, álemdik jáne dástúrli dinder Sezi, EQYU, ShYU men Islam yntymaqtastyq uıymynyń Sammıtteri, Astana ekonomıkalyq forýmy, N. Nazarbaev qorynyń «Astana klýbynyń» halyqaralyq sarapshylar kezdesýleri ótýde».
Fotokórme QR Tuńǵysh Prezıdenti Qory men Astrahan qalasyndaǵy Qazaqstan Respýblıkasynyń Konsýldyǵynyń qoldaýymen uıymdastyryldy.
Astananyń 20-jyldyǵyna arnalǵan fotokórme Reseıdiń eń kóne oblystyq murajaıy - Astrahan murajaı-qoryǵynda taǵy 2 apta ótkiziledi, onda qala qonaqtary men turǵyndary Astananyń tańǵajaıyp qurylymdaryn kóre alady.
QR Tuńǵysh Prezıdenti Qory kúnderi aıasynda Qordyń atqarýshy dırektorynyń keńesshisi Álııa Qaısharova Astrahan oblysy Úkimeti tóraǵasynyń orynbasary - Astrahan oblysynyń Mádenıet jáne týrızm mınıstri Galına Zoteevamen kezdesti. Kezdesý barysynda ekijaqty yntymaqtastyq máseleleri talqylandy.
Sonymen birge Qordyń ókilderi «Joldastyq» qazaq mádenıetiniń oblystyq qoǵamymen kezdesedi jáne Astrahan oblystyq N.K. Krýpskaıa atyndaǵy ǵylymı kitaphanasyna bardy.
Sonymen birge astanalyq delegasııa qazaqtyń uly kúıshi-kompozıtory, qazaqtyń aspapty mýzyka óneriniń klassıgi Qurmanǵazy Saǵyrbaıulyna arnalǵan kesene men murajaı keshenine bardy.
Kezdesýler barysynda N.Nazarbaev qory Qazaqstan Respýblıkasynyń Prezıdenti N.Á.Nazarbaevtyń «Táýelsizdik dáýiri» atty kitabyn, Astananyń 20-jyldyǵyna arnlaǵan «A day in Astana» atty biregeı fotoalbomyn, «Býrabaı» memlekettik ulttyq tabıǵı parkine arnalǵan «A day in Burabay» fotoalbomyn, balalarǵa arnalǵan «Tátti alma» kitabyn, Qordyń ádebı baıqaýynyń jeńimpazdarynyń shyǵarmalar jınaǵy «Altyn tobylǵy» atty kitabyn syıǵa tartý etti.
