Kezdesýge salalyq mınıstrlikter ókilderi, joǵarǵy oqý oryndarynyń «Tilshi» kafedralarynyń meńgerýshileri, medıa assosııasııalar men BAQ ókilderi qatysty.
Kezdesý barysynda medıa-ındýstrııanyń ókilderi eldegi buqaralyq aqparat quraldary naryǵyndaǵy jaǵdaı jáne medıa salasyndaǵy kásiptik standarttar, «tilshi» mamandyǵyndaǵy álemdik úrdisterdi, sondaı-aq zamanaýı medıa naryǵynyń suranystaryna ýnıversıtetterdiń daıyndaǵan mamandarynyń kásibı biliktiliginiń saı bolýy máseleleri talqylandy.
Mınıstrliktiń tilshilerdiń biliktiligin arttyrý úshin turaqty túrde is-sharalar uıymdastyryp turady. Sheteldik tájirıbe almasý jáne tilshilerdiń ártúrli halyqaralyq medıa-forýmdaryna, konferensııalarǵa qatysýyn uıymdastyrylady.
2013 jyldan bastap «Qazmedıaortaly» bazasynda medıa-mektep jumys isteıdi, onyń aıasynda semınarlar men buqaralyq aqparat quraldary salasyndaǵy mamandardyń qatysýymen leksııalar ótedi. Otandyq jýrnalıstıka salasynyń mamandaryn yntalandyrý maqsatynda «Tumar» jáne «Úrker» júldeleri taǵaıyndalǵan, «Astana medıa aptalyǵy» medıa aptalyǵy men óńirlik BAQ forýmy ótkizilip turady.
Mınıstrlik tarapynan buqaralyq aqparat quraldarynyń mamandaryna arnalǵan zamanaýı kásibı standarttardy ázirleý boıynsha jumys bastaldy. Atap aıtqanda, Mınıstrliktiń qurylymdyq bólimsheleri men vedomstvolyq baǵynystaǵy uıymdarynan qajetti bilim, daǵdylar men quzyretter boıynsha usynystar jasaldy. Bul jumys zańmen belgilengen tártipte jalǵasady.
Kezdesý sońynda qatysýshylar birlesken ýnıversıtetter men buqaralyq aqparat quraldarynyń arasyndaǵy yntymaqtastyqty nyǵaıtýǵa kelisti.
Sonymen qatar «100 jańa oqýlyq» jobasy aıasynda qazaq tiline aýdarylǵan «Medıa etıka» kitaby tanystyryldy.
