Bul úıler bıýdjetten tys qarajatqa, ıaǵnı qoǵamdyq qor men demeýshiler arqyly jınalǵan qarjy boıynsha jóndelý ústinde eken. Qazirgi ýaqytta 134 úıdiń 117-siniń qurylys jóndeýleri aıaqtalyp qaldy.
Qala ákimi Ermak Sálimovtyń aıtýynsha, Semeıde tabıǵı apattaǵy tótenshe jaǵdaı boıynsha 9 jer úı múlde jaramsyz bop sý astyna ketipti. Mırnyı jáne Prıstan aýmaǵynda 205 úı zardap tartqan. Olardyń jóndeý jumystaryna respýblıkalyq bıýdjetten 343 mln 665 myń teńge bólingen. Taǵy da 58 mln teńge úıleri jaramsyz bolyp, ezilip ketkenderge jańa páter, úı satyp alý úshin qarastyrylǵan. Prıstan men Mırnyı kentterinde merdiger kompanııalarmen 127 kelisimshart jasalypty. Zardap tartqandar ózderi merdiger kompanııa tańdap, qalanyń ishinde ózderi tańdaǵan jerde páter ne úı satyp ala alady.
-Qazirgi ýaqytta zardap tartqan halyqqa dúnıe-múlik pen turmystyq tehnıka satyp alý úshin múmkindiginshe járdemaqy bólý máselesi de qarastyrylýda,-dedi qalalyq máslıhat hatshysy Beısenbek Aqjalov,-shyǵyndardy esepteıtin komıssııa Bobrovkadaǵy barlyq problemalardy nazarǵa alyp otyr. Qarajat adamdardyń qolyna berilmeıtindigi, tek Úkimet qaýlysy arqyly ǵana bólinip, tek tólemaqy túrinde bolatyndyǵy naqty boldy. Máslıhat depýtattary jáne demeýshiler, jalpy barlyq halyq birigip, sýdan zardap tartqandarǵa áli de bolsa kómektesýdi jalǵastyramyz.
Raýshan NUǴMANBEKOVA,
SEMEI
