«UBT-nyń ekinshi kúni 61 098 mektep bitirýshi synaqtan ótýge tirkelgen bolatyn, alaıda testileýge naqty 58 967 túlek qatysty. Qatysýshylar sany byltyrǵy kórsetkishpen salystyrǵanda 1% ósip tur. Olardyń 85,6% nemese 50 468 mektep bitirýshi shekti balldy jınaı aldy, ıaǵnı byltyrǵymen salystyrǵanda 1,5 prosentke ósý bar. Shekti balldy jınaı almaǵandar sany 1 paıyzǵa tómendedi, 8 499 adam synaqtan óte almady», - dedi QR BǴM «Ulttyq testileý ortalyǵy» RMQK dırektory Ramazan Álimqulov Ortalyq kommýnıkasııalar qyzmetinde ótken baspasóz máslıhatynda.
Ortalyq dırektorynyń aıtýynsha, ázirge Qazaqstan boıynsha ortasha ball - 83, byltyrǵy kezeńde ortasha kórsetkish - 80 ball bolǵan edi. «Eń joǵary ball Almaty qalasynda, T. Rysqulov atyndaǵy ulttyq ekonomıkalyq ýnıversıtette tirkeldi. Almatylyq Hamzın Dáýlet Azatuly 139 ball jınady. О́kinishke qaraı, eń joǵarǵy 140 balldy áli eshkim jınaǵan joq. Biraq, testileý jumystary áli bes kún boıy júredi, sondyqtan naǵyz bilimdi túlekterimiz 140 balldy alaryna úmittimiz», - dedi ol. Respýblıka boıynsha 704 mektep bitirýshi 130-139 ball aralyǵynda nátıje kórsetken. Eske sala keteıik, UBT-2018 nətıjelerin endigi kezekte Telegram-bot @edu.gov.kz nemese edu.mail.kz saıty arqyly úıden shyqpaı-aq bilýge bolady: ol úshin testileýge qatysatyn ərbir talapkerge beriletin TJK (test tapsyrýshynyń jeke kodyn) engizý qajet. Sondaı-aq, testileý qorytyndylaryn Ulttyq testileý ortalyǵynyń saıtynan da bilýge bolady.
Bul oraıda testileý nətıjelerin TJK arqyly ərbir talapker ózi ǵana kóre alady. Joǵaryda kórsetilgen resýrstarǵa UBT nətıjeleri aqparattyń óńdelýine qaraı jarııalanyp otyrady. Bıyl respýblıka boıynsha mektep bitirýshilerdiń 70%, ıaǵnı 102 myńy UBT tapsyrady. Mektep bitirgen 147 myń túlektiń basym bóligi UBT-ny qazaq tilinde tapsyrady. UBT-da jalpy 80 myń suraq bolady. 2018 jylǵa arnalǵan Ulttyq biryńǵaı testi suraqtary 50 paıyzǵa jańartylǵan. Qazaqstandyq mektep bitirýshilerge Ulttyq biryńǵaı testileýden ótýge eki ret múmkindik beriledi. Ekeýinde de qajetti ball jınaı almaǵan balalar JOO-ǵa shartty túrde qabyldanady.
