Elektrondy júıe qaǵazbastylyqtan qutqarady

Bıylǵy jyldyń 1 qańta­ry­nan bastap, Qaraǵandy, Qos­tanaı, Batys Qazaqstan oblys­ta­ryndaǵy emhanalar qaǵazsyz aýrý­hanalar qanatqaqty jo­ba­sy­na endi. Al sáýirdiń 1-nen bastap bul jobaǵa taǵy 4 aımaq – Túrkistan, Mańǵystaý, Pavlodar, Soltústik Qazaqstan obl­ystary qosyldy. Bekitilgen jos­par boıynsha Astana men Almaty qalalary jáne qalǵan óńir­ler 1-shi shildeden bastap naý­qastardy qaǵasyz qabyldaýǵa kóshe­di. Bul qanatqaqty jobanyń aıasynda ambýlatorııalyq kartalar joıylmaq.

Belgili bolǵandaı, kelesi jyldan bastap tegin medı­sı­nalyq kómektiń kepildi kó­lemin kór­se­t­etin barlyq medısınalyq uıym­dar 100 paıyz tek qana aqparattyq júıelerde jumys júrgizbek. Vı­se-mınıstrdiń aıtýynsha, qa­zir­diń ózinde elektrondy úkimet pen medısınalyq aqp­a-
rattyq júıeler kómegimen dá­ri­gerge onlaın-portaldar ar­qy­ly jazylý, dárigerdi úı­ge sha­qy­rý qyzmetterin paıda­la­nýǵa bo­lady.

Sońǵy kórsetkish boıynsha el aýmaǵyndaǵy medısına meke­melerindegi dárigerlerdiń kom­pıýterlik tehnıkamen jab­dyq­ta­lýy 85,5 paıyzdy quraıdy. Jal­py, jumys oryndarynyń sany − 97 402 bolsa, onyń ishinde − 83 314-i atalǵan tehıkalarmen jab­dyqtalǵan. Al aýdandardaǵy emhanalarda 100 paıyz ınternet iske qosylǵan bolsa, bul kór­setkish aýyldyq jerlerde 46 paıyz­dy qurap otyr.

Vıse-mınıstr O. Ábishev keltirgen aqparat boıynsha elektrondy úkimet portalyna tirkelgen naýqastar men júkti áıelderge josparly tekserilý tý­raly habarlama jiberý qaras­tyrylǵan. «Eger elektrondy úkimetke tirkelip, e-mail nemese sms túrindegi qyzmetti tań­­da­sańyz jáne dıspanserlik naý­­qastar tiziminde bolsańyz, júıe avtomatty túrde josparly tekserilý týraly habarla­ma jiberip otyrady. Bul rette júkti áıelderdi josparly tekserý jáne josparly túr­de emdeýge jatqyzý týraly ha­­bar­­lama da keledi», − dep tú­sin­­dirdi ol. Sonymen birge vı­se-mınıstr qazirgi ýaqytta «Aýrý­hanaǵa jatqyzý bıýrosy» portalynyń naýqastarǵa qol­jetimdi ekenin eske saldy. Bıýro por­talynda JSN arqyly tegin me­dısınalyq kómek alý úshin naý­qastyń qandaı emhanada qa­ra­latynyn anyqtaýǵa bolady. Kýáliktegi shtrıh-kod arqyly elek­trondy júıeden joldama nemese josparly emdeýge jat­qy­zý týraly aqparattardy da alýǵa múmkindik bar.

Erkejan AITQAZY,

«Egemen Qazaqstan»