Mysaly, Shyǵys Qazaqstan oblysy Aıagóz aýdanynyń ákimdigi zardap shekkenderge keltirilgen zııandy óteýge aqshalaı tólemder jasamaǵan. Al Semeı qalasynyń ákimdigi bastapqyda jyljymaıtyn múlik obektisine keltirilgen zııandy óteý úshin sý tasqynynan zardap shekken árbir turǵynmen ótemaqy tóleý týraly shart jasap, sodan keıin bul tólemderden belgisiz sebeptermen bas tartqan. Sonymen qatar Aıagóz qalasynda sý basqan turǵyn úılerdi tehnıkalyq zerttep-qaraý jáne sý tasqyny saldarynan zardap shekkenderdiń múlikterine keltirilgen zııandy baǵalaý zańnamanyń talaptaryna sáıkes júrgizilmegen. Máselen, bir úı boıynsha tehnıkalyq zerttep-qaraýdy 3-4 ret júrgizý jaǵdaılary oryn alǵan.
Ekinshiden, zardap shekkenderdiń úılerinde jóndeý-qalpyna keltirý jumystaryn júrgizý tártibi de aıqyndalmaǵan. Sondyqtan keıbir jergilikti atqarýshy organdar zardap shekkendermen tıisti shartty jasamaı, azamattyq-quqyqtyq jaýapkershilikti jáne jumysynyń sapasyna kepildikti qarastyrmaı, turǵyndardyń úılerinde jóndeý jumystaryn júrgizgen. Bul zardap shekkenderdiń úılerinde sapasyz jóndeýler júrgizýge soqtyrǵan. Mysaly, Aıagóz qalasyndaǵy 72 jastaǵy zeınetker R.Gýseva óz hatynda úıin jóndeý úshin onyń bir bólmesin buzǵany, qabyrǵalarynda jaryqtar paıda bolǵany, tóbesiniń tolyǵymen jabylmaǵany, jóndeýdiń sapasyz jasalǵany týraly jazǵan. «Bul egde adamdy qorlaý, kemsitý ǵoı» dep ol óz hatynda narazylyq bildiredi.
Úshinshiden, bıylǵy maýsym aıynda Qazaqstan Respýblıkasy Úkimetiniń 2015 jylǵy 25 sáýirdegi № 325 qaýlysynda tabıǵı sıpattaǵy tótenshe jaǵdaılar saldarynan zardap shekkenderge naryqtyq baǵamen turǵyn úı satyp alý qarastyrylǵan bolatyn. Biraq turǵyn úıdi satyp alýda onyń 1 sharshy metriniń baǵasyn esepteý tártibi men úıdiń salynǵan jyly, jaǵdaıy, tańdaý talaptaryn kózdeıtin qaǵıdalar bolmaǵandyqtan, jergilikti atqarýshy organ eski turǵyn úılerdi nemese qunyna saı kelmeıtin turǵyn úılerdi ózderine belgili tulǵalardan satyp alǵan.
Osylaısha, «Azamattyq qorǵaý týraly» Qazaqstan Respýblıkasy zańynyń talaptaryn saqtamaý jáne qajetti quqyqtyq aktilerdiń bolmaýy sý tasqynynan zardap shekken azamattardyń zańdy quqyqtary men múddelerin buzýǵa soqtyrǵan. Atalǵan faktilerdiń barlyǵy Shyǵys Qazaqstan oblysynyń sý tasqynynan zardap shekken turǵyndarynyń ótinishterinde kórsetilgen.
Biz osy máselelerdi Premer-Mınıstr Baqytjan Saǵyntaevtyń atyna depýtattyq saýalmen jolmen, atalǵan jaıttardy qarastyrýdy, sheshimin tabýdy suradyq.
Nurtaı SABILIаNOV,
Májilistiń Ekonomıkalyq reforma jáne óńirlik damý komıtetiniń tóraǵasy
