Aqmola oblysy — elimizdiń negizgi agrarlyq–ónerkásiptik óńirleriniń biri. Baqytjan Saǵyntaev óńirge kelgennen keıin «Qazaqstannyń Agro Innovasııalyq Korporasııasy» JShS aýyl sharýashylyǵy jáne kommýnaldyq tehnıkanyń ındýstrııalyq-tehnologııalyq parkinde boldy. QAIK jumysynyń mysalynda Premer-Mınıstr óńirde Indýstrııalyq-ınnovasııalyq damý memlekettik baǵdarlamasynyń iske asyrylý barysymen, sondaı-aq oblystyń kásiporyndarynda sıfrlyq tehnologııalar men Indýstrııa 4.0 elementterin engizý sharalarymen tanysty.
Ákimdiktiń málimeti boıynsha, Aqmola oblysyndaǵy ónerkásip óndirisiniń kólemi osy jyldyń qańtar-mamyr aılarynda 244,8 mlrd teńgeni, NKI ónimderi — 2017 jylǵy tıisti kezeńmen salystyrǵanda 102,8% qurady. Jalpy segiz jyl ishinde Indýstrııalandyrý kartasy aıasynda 79 ınvestısııalyq joba júzege asyrylyp, 7,9 myń jumys orny ashyldy. 2018 jyly 53,4 mlrd teńge somasyna 1330 jańa turaqty jumys ornyn ashýmen alty joba josparlanǵan. Budan ózge, 2018 jyldan keıin paıdalanýǵa berý merzimimen, 473,5 mlrd teńge somasyna, 3 myń jańa jumys ornyn qurýmen tórt joba boıynsha jumys jalǵasyn tappaq.
Búgingi tańda metallýrgııa, mashına jasaý, hımııa jáne azyq-túlik ónerkásibi, qurylys ındýstrııasy salasyndaǵy 20-ǵa jýyq iri kompanııalar ónimdilik qýatyn ulǵaıtyp, jumys prosesterin ońtaılandyrýǵa múmkindik beretin jańa sıfrlyq tehnologııalardy engizip jatyr.
Sehty aralaý barysynda Premer-Mınıstr aýyl sharýashylyǵy tehnıkasyn qurastyrýdyń tehnologııalyq úderisimen tanysty. «Qazaqstandyq Agro Innovasııalyq Korporasııa» JShS dırektory O. Balybın IIDMB aıasynda iske qosylǵan zaýyt 2017 jyly 698 mln teńge somasyna 507 birlik aýyl sharýashylyǵy tehnıkasyn shyǵarǵanyn; 2018 jyldyń úsh aıynda 265 mln teńgege 208 birlik tehnıka shyǵarylǵanyn málimdedi.
Úkimet jyl saıyn AО́K-tiń tehnıkalyq jabdyqtalý deńgeıin kóterýge kóńil bóledi. О́tken jyly jalpy 32,6 mlrd teńge somasyna 288 traktor, 263 joǵary ónimdi astyq jınaý kombaıny jáne 88 egis kesheni satyp alyndy. Tehnıkanyń negizgi túrleri boıynsha jańarý paıyzy 2,6% qurady. Osy jyldyń bes aıynda 576 birlik aýyl sharýashylyǵy tehnıkasy satyp alyndy, onyń ishinde 101 traktor, 29 kombaın, 53 egis kesheni — 7,5 mlrd teńgege. Aýyl sharýashylyǵy tehnıkasyn sýbsıdııalaýǵa 3,4 mlrd teńge qarastyrylǵan.
О́ńirdiń AО́K damytý barysymen tanysý «Bıjan et óńdeý zaýyty» JShS nysanynda jalǵasady, onda B. Saǵyntaevqa Prezıdenttiń daıyn aýyl sharýashylyǵy óniminiń eksportyn ulǵaıtý jónindegi tapsyrmasynyń oryndalýy týraly baıandaıdy.
Oblystyń agrarshylarymen kezdesýde AО́K damytýdyń jandandyrylǵan memlekettik baǵdarlamasy aıasynda usynylatyn, aýyl sharýashylyǵy taýaryn óndirýshilerdi qoldaýdyń jańa múmkindikteri, quraldary men tetikteri, sondaı-aq elordanyń azyq-túlik beldeýin qamtamasyz etý boıynsha qabyldanyp jatqan sharalar talqylanady.
Sondaı-aq, jumys sapary barysynda birqatar ónerkásiptik jáne áleýmettik nysandardy aralaý josparlanǵan.
Máselen, №1 qalalyq emhanany tekserý kezinde Baqytjan Saǵyntaev óńirdiń densaýlyq saqtaý júıesin sıfrlandyrý barysymen tanysady. Oblystyń medısına salasynyń qyzmetkerlerimen kezdesýde medısınalyq qyzmetterdiń sapasy, salany qaıta retteý jáne jeke qyzmet kórsetý sektoryn damytý máseleleri talqylanady.
B. Saǵyntaevqa Halyqqa qyzmet kórsetý ortalyǵynda usynylatyn memlekettik qyzmetterdi avtomattandyrý mysaldaryn, sondaı-aq «Sıfrlyq Qazaqstan» memlekettik baǵdarlamasynyń óńirlik jobalaryn usynady.
Premer-Mınıstrdiń jumys sapary oblys ákimdiginde bıznes ókilderimen jáne aktıvpen ótetin keńespen támamdalady. Onda osy jyldyń bes aıynda atqarylǵan jumys qorytyndylary men Prezıdenttiń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» joldaýlary men «Bes áleýmettik bastamasynda» eskerilgen mindetterdi sheshý boıynsha aldaǵy josparlar talqylanady.
Eske sala keteıik, Baqytjan Saǵyntaev Memleket basshysynyń tapsyrmasy boıynsha Qazaqstan óńirlerin jumys saparymen aralap júr. Buǵan deıin Atyraý, Qaraǵandy, Qostanaı, Qyzylorda, Mańǵystaý jáne Ońtústik Qazaqstan oblystaryna jumys saparymen baryp qaıtty.
