Jaýhar jaryqtar almaly qalanyń aıshyqty tynysyn tanyta túsedi. Qala ortasyndaǵy Panfılov kóshesi jaıaý júrginshiler erkin qozǵalatyn ári demalatyn ortalyqqa aınalǵan. Arnaıy oryndyqtar, sýsyn satatyn oryndar, balalar oınaıtyn alańdar jasaqtalǵan kósheniń uzyna boıynda qolóner buıymdary satylatyn bazarlar uıymdastyrylǵanyn da aıta ketkenimiz jón.
Myń boıaýly shahardyń merekesin tanytatyn sharada Almaty qalasynyń ákimi Baýyrjan Baıbek pen QLED Samsung Elektronics Central Eurasia kompanııasynyń prezıdenti Ben Iýn sóz sóıledi.
Elimizdiń egemendiginiń aldynda mańyzdy sheshimder qabyldanǵan Qazaqstannyń burynǵy astanasynyń erekshe róline toqtalǵan Baýyrjan Baıbek búgin Almaty mádenıet, bıznes jáne qarjy ortalyǵy ekenin, ol sondaı-aq is-sharany uıymdastyrǵan Samsung Electronics kompanııasyna alǵysyn bildirdi.
Almatyda 1996 jyldan beri jumys istep kele jatqan Samsung Electronics Central Eurasia kompanııasynyń prezıdenti Ýn Chol Iýn óz kezeginde ózderiniń qazaqstandyqtarǵa arnalǵan ınnovasııalyq jetistikterdi engizýge qýanyshty ekendikterin aıtty. Bir jyl buryn olar Astanadaǵy EXPO-2017 kórmesinde QLED syzyǵyn engizse, endi mine, Almatyda mereke kúnin uıymdastyryp otyr.
О́zgeshe boıaýmen túrlenip sán-saltanat tapqan Panfılov kóshesi boıyndaǵy Samsung QLED teledıdarlary arqyly joǵarǵy sapaly ádemi sýretter, kóz jaýyn alǵan áshekeıli órnekter myń túrli boıaýǵa malynǵan qalanyń ásem dıdaryn tanytady. Jaıaý júrginshiler jolynyń kóńil demdeıtin áspettiligi demalýshylarǵa aıryqsha tynys bergendeı eken. «Almatyda ótken bir kún. О́mirge arnalǵan qala» kitabynyń tusaýkeseri oqyrmandar arasynda erekshe qyzyǵýshylyq týǵyzdy. Jańa basylymda Almaty qalasynyń biregeı sýretterin, tanys kóshelerdi jáne azamattardyń kúndelikti ómirin kóre alasyz.
Almaty qalasyna arnalǵan fotografııa men sýret kórmesi jáne bir aktili «Shaherezeda» baleti kelýshilerge qýanysh syılady.
Saparbaı PARMANQUL,
«Egemen Qazaqstan»
ALMATY
