Kezdesý barysynda aqparattyq yntymaqtastyq sóz bolyp, BAQ basshylary arnaıy uıymdastyrylǵan ekskýrsııany tamashalady. Sondaı-aq Murat Maıkeev Baılanys jáne aqparat qyzmetkerleri kúnimen kásibı merekelerimen quttyqtady.
«Biz aqparattyq qoǵamda jasap jatyrmyz. Búgingi tańda aqparat jekelegen adam úshin de jalpy qoǵam úshin de úlken ról atqarady. Jańa tehnologııalar, jahandyq kommýnıkasııalyq jeliler adamnyń jáne qoǵamdyq ómirdiń barlyq salalaryn qamtıdy. Búgingi Qarýly Kúshterdiń jaýyngerlik jáne kúndelikti is-áreketterin sapaly uıymdastyrý jáne buqaralyq aqparat quraldarynda jedel jarııalaý da erekshe mańyzǵa ıe. О́ıtkeni ol áskerı qyzmettiń rólin arttyra túspek», dedi BAQ basshylaryn kásibı merekesimen quttyqtaǵan M.Maıkeev.
Aıta keteıik, aqparattyq saıasatty tıimdi júzege asyrý jáne Qorǵanys mınıstrligimen jyldam jáne sapaly yntymaqtastyq ornatý maqsatynda mınıstrlik jyl saıyn ekstremaldy jýrnalıstıka boıynsha «Áskerı dıskýrs», respýblıkalyq «Ásker medıasy» baspasóz festıvali, baspasóz-týrlar jáne basqa da is-sharalar ótkizip keledi.
