Saltanaty sharaǵa oblys ákimi E.Toǵjanov, polısııa ardagerleri, departamenttiń barlyq jeke quramy jáne basqa da qonaqtar qatysty.
Birqatar tártip saqshylary aımaq basshysynyń Alǵysy hatyna ıe bolsa, 4 polısııa qyzmetkerine otbasymen demalýǵa týrıstik joldama, qyzmetkerlerdiń balalary úshin jazǵy lagerge 45 joldama berildi.
Mańǵystaý oblysy IID bastyǵy polısııa polkovnıgi Q. Taımerdenov saltanatty sharaǵa qatysyp otyrǵan jeke quramdy, barlyq polısııa ardagerlerin merekelerimen quttyqtap, olardyń jasaǵan uzaq jylǵy qyzmeti úshin alǵysyn bildirdi. Polısııa basshysy oblystyń Departamentiniń materıaldyq-tehnıkalyq bazasyn nyǵaıtý jolynda kóptegen jumystar atqarylǵanyn atap ótti.
«Oblys ákimdiginiń qoldaýymen avtopark jyl saıyn jańartylýda, jańa qural-jabdyqtar alynýda, ishki ister organdarynyń qyzmetkerleri úshin páter kilti tabystalýda. Tártip saqshylary azamattardyń tynyshtyǵy úshin bar kúshterin salýda. Bizder áskerı mindetin óteý kezinde qaza bolǵandardy umytpaımyz», dep atap ótti ol.
Saltanatty jaǵdaıda QR IIM-niń buıryǵymen qylmyspen kúreste jáne jedel qyzmette joǵary kórsetkishteri úshin polısııa qyzmetkerleri medalmen, gramotalarmen marapattaldy. Sondaı-aq, «Ishki ister mınıstrliginiń qurmetti ardageri» tósbelgisimen V.Sherbak, D.Sarǵojaev marapattalsa, IID JPQ bóliminiń bastyǵy M.Daıhanbaevqa polısııa polkovnıgi ataǵy berildi, «Quqyq tártibin qamtamasyz etýge qosqan úlesi úshin» medalimen polısııa polkovnıgi M.Seralıev; II dárejeli «Ishki ister organdarynyń úzdigi» tósbelgisimen polısııa maıory A.Korenskıh, polısııa kapıtany V.Avanesıan, aǵa leıtenant E.Amanqosuly, QR IIM Qurmet gramotasymen polısııa maıory E.Balǵabaev, QR IIM Gramotasymen polısııa kapıtany B.Kýzenbaev jáne taǵy basqalar marapattaldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
