Bıyl Yessenov University-di bakalavrıat baǵdarlamasy boıynsha 517, magıstratýra baǵdarlamasy boıynsha 67, keshki jáne syrtqy bólimderde 178 túlek támámdady. Onyń ishinde 22 stýdent qyzyl dıplommen bitirip otyr. Ýnıversıtette búginde 3100 stýdent bilim alýda, onyń ishinde kúndizgi bólimde oqıtyn 2500 stýdenttiń 265-i memlekettik grant boıynsha oqyp jatyr. Sonymen qatar, oblys ákiminiń grantymen oqıtyn 79 stýdent bar.
«40 jyldyq tarıhy bar, 35myńnan astam maman daıyndaǵan Ýnıversıtet túlekteri oblystyń áleýmettik-ekonomıkalyq damýyna qarqyndy úlesin qosýda, halyq sharýashylyǵynyń barlyq salalarynda qyzmet atqarýda. Búginde ýnıversıtette 306 oqytýshy qyzmet etse, onyń 12-si ǵylym doktory, 148-i ǵylym kandıdaty. Sońǵy derek boıynsha, Esenov ýnıversıteti respýblıkada bilim berý deńgeıi jaǵynan 130 ýnıversıtettiń ishinde 18-orynda. Qazaqstan Respýblıkasynyń Prezıdenti Nursultan Nazarbaevtyń «Prezıdenttiń bes áleýmettik bastamasy» atty halyqqa úndeýin oryndaý maqsatynda ýnıversıtette 500 oryndyq 2 jataqhana, kolledj stýdentteri úshin 1600 oryndyq 4 jataqhana salý josparlanyp otyr. Jáne de osy jyly ýnıversıtette Úzdiksiz Bilim berý Instıtýty ashylǵan bolatyn», dedi oblys ákimi Eraly Toǵjanov.
Saltanatty shara konserttik baǵdarlamaǵa ulasyp, merekelik ot-shashýmen aıaqtaldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
