Elbasynyń BAQ salasyndaǵy syılyqtary men granttary taǵaıyndaldy

Qazaqstan Respýblıkasy Prezıdentiniń О́kimi 

Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarııalaý týraly

1. Eldiń áleýmettik-ekono­mı­kalyq jáne qoǵamdyq-saıası damýyn aqparattyq tur­ǵydan qam­tamasyz etý isin­de­gi bu­qaralyq aqparat qu­ral­da­rynyń eleýli rólin es­kere otyryp, Qazaqstan Res­­pýblıkasy Prezıdentiniń bu­­qa­ra­lyq aqparat qu­ral­dary sa­­lasyndaǵy syılyqtaryn be­rý, grantta­ryn tapsyrý jáne Alǵysyn jarııalaý jónindegi qoǵamdyq ko­mıs­sııanyń usy­ny­myn qaraı kelip:

Qazaqstan Respýblıkasy Prezıdent­iniń buqaralyq aqpa­rat qural­dary sala­syn­daǵy syılyqtary berilsin:

Dorofeev Mıhaıl Vıktorovıchke – «informburo.kz» ınternet-portalynyń bas redaktoryna otandyq buqara­lyq aqparat quraldaryn jáne aqparattyq-saraptamalyq elektrondy resýrstardy da­my­týǵa qosqan úlesi úshin;

Tanysbaı Lázzat Murat­qyzyna – «Astana» res­pýb­lıkalyq telearnasynyń bas dırektoryna qazaqstandyq jýrnalıstıkany jáne ulttyq televıdenıeni damytýǵa qos­qan eleýli úlesi úshin;

Qazaqstan Respýblıkasy Prezıdentiniń buqaralyq aqpa­rat quraldary sala­syndaǵy granttary tapsyrylsyn:

Ádilova Aıgúl Nurhan­qy­zyna – «Habar» re­s­pýb­lı­kalyq telearnasynyń sarap­ta­ma­lyq baǵdarlamalar bóliminiń tilshisine Mem­le­ket basshysynyń qyzmetin jan-jaqty ári sapaly jarııalap-kórsetkeni úshin;

Jıenáli Meıirjan Álibek­ulyna – «Qazaqstan» ult­tyq telearnasy aqparat­tyq-saraptamalyq baǵ­dar­la­ma­lar dırek­sııa­sy dırek­torynyń orynbasaryna otan­­­dyq televıdenıedegi aq­pa­rat­tyq-sarap­­tamalyq baǵ­­­dar­lamalardy ilgerile­tý isin­­­de qol jetkizgen kásibı je­­tis­­­tik­teri úshin;

Qazaqstan Respýblıkasy Prezı­denti­niń buqaralyq aq­pa­rat qural­dary sala­syn­daǵy Alǵysy jarııalan­­syn:

«Almaty» telearnasynyń shyǵar­ma­shylyq ujymyna otandyq televızııalyq jýr­na­lıstıkany damytýǵa qosqan úlesi úshin;

«Astana aqshamy» res­pýb­­lıkalyq qo­ǵamdyq-saıası gazetiniń shyǵar­ma­shylyq ujy­my­na Astananyń áleý­mettik-eko­nomıkalyq jáne mádenı-gýmanıtarlyq da­mýy­n-

daǵy mańyzdy taqyryptar men negizgi máse­le­lerdi ja­rııa­lap-kórsetýge qosqan erek­she úlesi úshin;

«Baldyrǵan» respýb­lı­kalyq balalar jýrnalynyń shyǵarmashylyq ujymyna elimizdiń óskeleń urpaǵyn tárbıeleý isine jáne qazaq­s­tan­dyq patrıotızmdi ny­ǵaı­tý­ǵa qosqan zor úlesi úshin;

«О́zbekstannyń ulttyq te­le­radıo­kom­panııasy» shy­­ǵar­mashylyq ujymyna Qa­zaq­standaǵy О́zbekstan jylyn jáne túrli salalardaǵy Qazaqstan-О́zbekstan ynty­maqtastyǵyn damytý máse­le­lerin jarııalap-kór­setkeni úshin.

2. Osy ókim buqaralyq aqpa­rat qural­da­rynda jarııa­lan­syn.

Qazaqstan Respýblıkasynyń 
Prezıdenti N.NAZARBAEV

Astana, Aqorda, 2018 jylǵy 25 maýsym
№ 246