Osydan jıyrma jyl buryn Qazaqstannyń jańa astanasynyń tusaýkeserine qatysý qurmetine ıe bolǵan edim. Astana – ol táýelsiz eldiń jańa astanasy! Bul – kóregen Prezıdent Nursultan Nazarbaevtyń batyl saıası sheshimi. Ol shyn máninde Astanany qurýshy jáne onyń bas arhıtektory bolyp tabylady. Qala kóp etnosty eldiń jarasym tapqan yntymaǵy men bereke-birliginiń naqty kórinisin búkil álemge pash etip tur.
Maǵan, ásirese astananyń brendine aınalǵan «Báıterek» monýmenti erekshe unaıdy jáne qyzyqtyrady. Men ony jemisi mol alma aǵashyna balaımyn. О́ıtkeni «baı» degen sóz tatarsha da baı degen uǵymdy bildiredi. Astana – Qazaqstannyń jańa ómiriniń shynaıy keskin-kelbeti, al Almaty – tarıhı muraǵa asa baı megapolıs.
Ýaqyt ótken saıyn bedel men kúsh-qýat alyp kele jatqan Qazaqstan memleketi álem kartasynda myqtap ornyqty. Bul biregeı de dara tulǵa – Qazaqstan Respýblıkasynyń Prezıdenti Nursultan Nazarbaevtyń arqasy dep bilemin.
Ol qazirgi zaman syn-tegeýrinderine batyl ún qata bildi, álemde beıbitshilikti qamtamasyz etýge baılanysty ómirsheń bastamalar kóterip otyrdy. Eń bastysy, ol óz eliniń bolashaǵy úshin adal qyzmet etti, aldaǵy ýaqytta da solaı bola beretinine senimdimin.
Nursultan Ábishuly kóptegen ıgi istiń bastamashysy boldy. Nebir qıyn shaqtarda shydamdylyq tanytty, odan shyǵýdyń joldaryn qarastyrdy. Eliniń mol múmkindigin júzege asyrýǵa belsene kirisýmen boldy. Búginde sonyń ıgiligin Qazaqstan halqy kórip otyr. Qazaq elin qazirgi kezde búkil álem tanydy, halyqaralyq qoǵamdastyq moıyndady.
Kóptegen jyldar boıy men Nursultan Ábishulymen áńgimelesý baqytyna ıe bolǵan jandardyń birimin. Biz onymen birge baýyrlas qazaq pen tatar halyqtarynyń arasyndaǵy ejelgi tarıhı dostyq qatynastardy nyǵaıtýdyń, sondaı-aq bizdiń respýblıkalar arasyndaǵy kópjaqty yntymaqtastyqty damytýdyń bastaýynda turdyq. Shyn nıetpen atap ótýim kerek, Tatarstan úshin saıası qıyn jaǵdaı týǵan kezde Nursultan Nazarbaev túsinistik tanytyp, bizge bedeldi qoldaý kórsetti. Búginde baýyrlas halyqtar arasyndaǵy baılanystar nyǵaıyp keledi. Oǵan bizdiń Prezıdent Rýstam Mınnıhanov erekshe nazar aýdaryp otyr. Eń bastysy – bul bizdiń halqymyzǵa unaıdy. Osyndaı dostyq qatynastar urpaqtan-urpaqqa jalǵasa beretin bolady.
Osyndaı sátti paıdalana otyryp, jeke óz atymnan jáne tatarstandyqtar atynan ásem Astananyń týǵan kúnimen qazaqstandyqtardy jáne Nursultan Ábishulyn shyn nıetpen quttyqtaımyn!
Mıntımer ShAIMIEV,
Tatarstan Respýblıkasynyń
eks-prezıdenti
