Jalpy, búgingi tańda memlekettik baǵdarlamalardyń ásirese aýdandar úshin tıimdiligi joǵary bolyp otyr. Máselen, Talas aýdanynda ındýstrııalyq-ınnovasııalyq damý baǵdarlamasynyń sheńberinde jalpy quny 18 mıllıard 211 mıllıon 700 myń teńgeni quraıtyn 3 iri ınvestısııalyq joba júzege asyryldy. Aıta keteıik, aýdan ortalyǵy Qarataý qalasyndaǵy «Talas Investment Company» JShS jylyna 15 myń tonna sıanıd natrııin shyǵaratyn bolsa, «Jambyl Nedr» JShS jyl saıyn 300 myń tonna sement óndirýge, «Qarataý Pro» JShS jyl saıyn 110 myń tonna mármár tasyn óńdep shyǵarýǵa qaýqarly. Budan bólek, aýdan ákimi Dosmahanbet Álıev aımaqta jalpy quny 3 mıllıard 735 mıllıon 200 myń teńgeni quraıtyn jel elektr energııasyn óndiretin 2 joba boıynsha bıznes-josparlar men jobalaý-smetalyq qujattar daıyndalǵanyn aıtty.
Naqty atap aıtsaq, búgingi tańda Talas aýdanynda 5 ınvestısııalyq joba júzege asyp keledi. Máselen, jalpy quny 20 mıllıon teńgeni quraıtyn sút jáne et ónimin óndiretin «Juma» jeke kásipker sehy, mármárdan plıtalyq tastar, baspaldaqtar, kirpishke arnalǵan tabıǵı tastar shyǵarýmen aınalysatyn quny 15 mıllıon teńge bolatyn «Atameken Mramor Kóktal» JShS, quny 20 mıllıon teńgeni quraıtyn, mármár óńdeýmen aınalysatyn «Azmına Mramor» JShS, ártúrli qurylysqa kerekti kafeldi kleı, gıps sylaǵy, sándik sylaq ónimderin shyǵaratyn «Jambyl-Nedr» JShS men jylyna 24 myń tonna munaı ónimin óńdep shyǵaratyn «Qarataý munaı óńdeý zaýyty» JShS aýdan ahýalyn turaqtandyryp, ındýstrııalyq aımaq qalyptastyrýda belsendilik tanytyp otyr.
Búgingi tańda elimizde ınvestısııalyq jobalar keńinen júzege asýda. Bul turǵyda memlekettiń de qoldaýy az emes. Ásirese oblystardy ındýstrııalyq aımaqqa aınaldyrý, ol úshin ınvestısııalyq jobalardy kóbeıtý máseleleri kún tártibinde. Investısııalyq jobalar nátıjesinde kásipkerlikke de keń óris ashylyp, ásirese aýdan ortalyǵynan, bolmasa aýyldy jerlerden árkim óziniń bıznesin ashyp, ekonomıkaǵa úles qosa bermek. «Bıznestiń jol kartasy-2020» baǵdarlamasy boıynsha Talas aýdanynda 1 mıllıard 151 mıllıon 600 myń teńgeni quraıtyn 20 joba júzege asyrylǵan. Sonymen qatar «Bank kredıtteri boıynsha kepildik berý» quraly boıynsha 2 jobaǵa 11 mıllıon 100 myń teńgeniń kepildik somasy júzege asyrylyp, «Atameken» UKP arqyly 2 kásipkerge 5 mıllıon 500 myń teńge nesıe berilgen.
Jambyl oblysynda aýdandarǵa kógildir otyn tartý máselesi qarqyndy júrgizilýde. Osy ýaqytqa deıin Talas aýdanyn gazdandyrý máselesi ózekti bolyp keldi. Máselen, aýdanda 24 aýyl bolsa, sonyń ishinde aýdan ortalyǵy Qarataý qalasyna jáne 9 aýyldyń eldi mekenderine gaz qubyry aýylǵa deıin jetkizilgen. Gazdandyrylǵan 9 eldi mekende ornalasqan 4 ákimshilik ǵımaratty, 3 mádenıet saraıy men 2 aýyldyq klýbty gazdandyrý úshin oblystyq bıýdjetten 39 mıllıon 578 myń teńge bólinip, tolyq ıgerilgen. Sonymen qatar Qarataý qalasynyń ishki kvartaldyq gaz júıelerin jalǵastyrýǵa 223 mıllıon 95 myń teńge bólinip, maqsatty jumsalǵan. Búginde qarataýlyq turǵyndar kógildir otynnyń ıgiligin kórip keledi.
Aýyldy jerlerdiń áleýetin kóterý mańyzdy is. Talas aýdanynyń Qyzyláýit aýylynyń ınjenerlik kommýnıkasııalyq ınfraqurylymyn damytý maqsatynda sýmen qamtamasyz etý jáne sý irkigish ımarattaryna 249 mıllıon 161 myń teńge qarastyrylǵan. Sonymen qatar Eseıhan aýylyndaǵy sý júıesiniń qurylysyna respýblıkalyq bıýdjetten 200 mıllıon teńge, oblystyq bıýdjetten 22 mıllıon 222 myń teńge bólingen.
Qasqabulaq aýylynda 120 orynǵa arnalǵan orta mektep qurylysyn aıaqtaý josparda bar. Qarataý qalasyndaǵy kóp qabatty turǵyn úılerdi qaıta jańǵyrtý jumystaryn aıaqtaý da negizgi másele. Sonymen qatar aýdan ortalyǵyndaǵy Álııa Moldaǵulova, Dinmuhamed Qonaev, Baýyrjan Momyshuly kóshelerin qaıta jańǵyrtý nysandaryn aıaqtaý da jiti nazarda. Osy jáne ózge de máselelerge oblystyq bıýdjetten tıisti qarajattar bólinip, jumystar atqarylýda, – deıdi Talas aýdanynyń ákimi Dosmahanbet Álıev.
Qazynaly Qarataýdy boılaı qonystanǵan Talas aýdanyndaǵy atqarylǵan sharýalardyń deni osyndaı. Aýdannyń ahýaly kún sanap jaqsaryp, jumystar da júıelenip keledi.
Hamıt ESAMAN,
«Egemen Qazaqstan»
Jambyl oblysy
