Ulttyq megajobanyń jeńimpazdary anyqtaldy

Ǵasyrlar boıy jasap kele jatqan babalar murasyn nasıhattaý, jaý­harlardy halyqqa jetkizý maqsatynda elimizdiń árbir óńirindegi ónerpazdar da aıanyp qalǵan joq. Atalǵan joba bıyl da jalǵasyn taýyp, Jambyl óńirinde jasyndaı jarqyldaǵan óner­pazdar óner kórsetti. Áýeli atalǵan joba negi­zinde óńirdiń árbir aýdan­da­rynda irikteý kezeńi ót­ken bolatyn. Ná­tı­je­sinde, synnan súrin­beı, ónerdiń barlyq talap­taryna jaýap bere alǵan 40-qa jýyq ónerpaz Taraz qalalyq Mádenıet úıinde oblystyq irikteýge qatysty. О́nerpazdar terme, dástúrli án jáne kúı atalymdary boıynsha bas júldeni sarapqa saldy. 

Mádenı sharany «Qazaq­stan» ulttyq teleradıokorporasııasy «Jambyl» fılıalynyń dırektory Jas­ulan Ábdihalyq sóz sóı­­lep ashyp, úmitkerlerge sáttilik tiledi. Al belgili dırıjer Erlan Baqtygereı, ánshi Aıgúl Maqasheva, ter­meshi Ertaı Tazabekov jáne kúıshi Erjan Rys­me­tov úmitkerlerdiń óne­­rine qazylyq jasap, shyn júırikti anyqtady. Al­ǵashqy «Kúı» atalymynda tarazdyq Dýlat Baı­zildaev jeńimpaz dep tanylsa, «Dástúrli án» ata­lymynda Sarysý aýda­nynan qatysqan Ahat Ken­jebaev eń úzdik dep ta­nyldy. Sonymen qatar ter­meshiler arasynda Jýa­ly aýdanynan Málik Myq­ty­bekov jeńimpaz atandy. Endi atalǵan úsh júldeger «Men qazaqpyn» ulttyq mega­jobasynda Áýlıeata óńi­riniń namysyn qorǵap, ónerlerin kórsetetin bolady. 

Ulttyq megajobanyń oblys­tyq irikteý kezeńine oraı óńirlik kommýnıkasııalar qyzmetinde bas­pasóz máslıhaty ótti. Osy oraıda «Jambyl» te­le­­ar­­nasynyń dırektory Jasulan Ábdihalyq sha­ranyń sátti júzege asýyna qoldaý bildirgen Jam­byl oblysynyń ákimi As­qar Myrzahmetovke, «Qazaq­stan» ulttyq tele­ar­nasynyń basqarma tór­aǵasy Erlan Qarınge jáne tıisti mekeme basshylary­na alǵysyn bildirdi. So­nymen qatar ol ob­lys­tyq «Jambyl» telear­nasy­nan bir saǵattyq «Men qazaq­pyn» baǵdarlamasy ashy­laty­nyn, atalǵan jo­baǵa aýdandar men aýyl­dar­dan qatysqan barlyq úmit­ker­lerdiń ónerin nası­hat­­taıtynyn, al úsh je­­ńimpazǵa jergilikti jerde­n tálimgerler taǵa­ıyn­da­latynyn jetkizdi. О́z sózinde ánshi Aıgúl Ma­­­qa­sheva aldaǵy ýa­qytta Ta­raz qalasynan min­detti túrde kóp salaly mý­zy­ka­lyq kolledj ashylýy kerek ekenin aıtyp ótti.

Aıta keteıik, jobanyń aýdan­­­dyq kezeńderine 146, al oblys­­tyq kezeńine 41 úmitker qaty­­syp, baq sy­naǵan.

Hamıt Esaman,
«Egemen Qazaqstan»

Jambyl oblysy