Qujat Qazaqstan Prezıdenti N. Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn oryndaý maqsatynda ázirlendi.
Elimizde búgingi tańda jeke venchýrlik kapıtal naryǵynyń júıeli túrde rettelmegen ári ol Qazaqstanda ınnovasııalardy ázirleý jónindegi kásipkerlikti venchýrlik (joǵary táýekeldi) qarjylandyrý, onyń ishinde shetelderden transfertteý arqyly týyndaýy men damýy úshin qajet bolyp otyr. Otandyq zańnama kóptegen parametrler boıynsha venchýrlik kapıtal naryqtaryn retteýdiń búkil álemdik quqyqtyq úrdisterine saı kelmeıdi, sondaı-aq jeke venchýrlik qarjylandyrýdy damytýdyń ońtaıly zańnamalyq tetikteri qamtylmaıdy.
Qoldanystaǵy zańnamasynda eldegi venchýrlik kapıtal naryǵynyń damýyna negiz bolatyn:
- ıkemdi azamattyq zańnama;
- memlekettik qoldaý tetikteriniń, onyń ishinde venchýrlik jobalardy tikeleı jáne (nemese) memlekettik damý ınstıtýttary arqyly múmkin bolatyn memlekettik qosa qarjylandyrýdyń bolýy;
- venchýrlik qyzmettiń ereksheligin eskere otyryp, venchýrlik qarjylandyrý úshin memlekettik yntalandyrý sharalarynyń tıimdiligin baǵalaý;
- venchýrlik qorlardy qurý men qalyptastyrýdyń erkin uıymdastyrýshylyq-quqyqtyq nysany sııaqty birqatar negizgi faktorlar jáne basqa da faktorlar joq.
Qazirgi kezeńde qazaqstandyq ıýrısdıksııadaǵy venchýrlik kásipkerlikti júrgizý áleýetti ınvestorlar úshin tartymsyz bolyp tabylady. Zań jobasyn qabyldaý venchýrlik qarjylandyrý salasynda zańnamalyq bazany qalyptastyrýǵa jáne jetildirýge ákep soǵady, ol jeke venchýrlik qarjylandyrý naryǵyna qatysýshylardyń ınvestısııalyq belsendiliginiń artýy men Qazaqstanda ınnovasııalyq jáne kásipkerlik belsendiliktiń ósýine alyp keledi.
Zań jobasy Palatanyń qaraýyna jiberildi.
