Sharany ashqan komıtet tóraǵasy Birǵanym Áıtimova Elbasynyń «Qazaqstan-2050» Strategııasy men «Bolashaqqa baǵdar: rýhanı jańǵyrý» maqalasynda 2025 jyldan bastap latyn álipbıine kóshý týraly aıtqanyn eske salyp, is qaǵazdary, merzimdi baspasóz, oqýlyqtar latyn álipbıimen basylyp shyǵa bastaýy tıis ekenin atap ótti.
Kezdesýde sóz alǵan mádenıet jáne sport mınıstri Arystanbek Muhamedıuly qazirgi kezeńde orfografııalyq jumys tobynyń birneshe otyrysy ótkeni jáne jańa álipbıdiń emle erejeleriniń tujyrymdamasy daıyndalǵany týraly habardar etti. Qyrkúıek aıynda emle erejesiniń jobasy mamandarǵa, barlyq oqý oryndaryna jáne tıisti mekemelerge jiberilip, tanystyrylatyn bolady. Olardan kelgen usynystar eskerilip, jyldyń sońyna deıin ony bekitý josparlanǵan. Ádistemelik jumys toby osy emle erejelerin oqý oryndarynda jáne taǵy da basqa mekemelerde aprobasııadan ótkizip, saraptamalyq jumys toby onyń tehnıkalyq jobalary ázirlenedi. Termınologııalyq jumys toby óz otyrystarynda jańa álipbıge kóshken kezde termınderdi qalyptastyrý isi júzege asyp jatqany aıtyldy.
Mınıstrliktiń aldaǵy mindeti – Úkimet tarapynan bekitilgen 2025 jylǵa deıingi latyn grafıkasyna kezeń-kezeńimen kóshý josparyna sáıkes sapaly jumys atqarý bolyp tabylady. Qazirge deıin
21 myń termın bekitilse, onyń 40,8 prosenti (8571 termın) – tól termınder, al 59,2 prosenti (12429 termın) kirme jáne aralas termınderdi qurap otyr. Osy termınderge jasalý jáne aýdarý turǵysynan tolyq lıngvıstıkalyq saraptama jasalýda.
Kezdesýde «Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» AQ atqarýshy dırektory Erbol Tileshov latyn árpine kóshe máselesi boıynsha atqarylyp jatqan jumystary týraly baıandady.
Masáleni talqylaýǵa senator M.Baqtııaruly, D.Nóketaeva, B.Jumaǵulov, S.Ershov jáne Májilis depýtaty B.Smaǵul, sondaı-aq ǵalymdar men sarapshylar qatysty.
Kezdesý qorytyndysy boıynsha ázirlengen usynystardy Úkimetke jáne basqa da múddeli memlekettik organdarǵa jiberý týraly sheshim qabyldandy.
