Áskerı keńeske Qazaqstan Respýblıkasy Ulttyq ulanynyń Bas qolbasshylyǵynan kadr jáne áskerı bilim berý basqarmasynyń bastyǵy polkovnık R.Akbarov, óńirlik qolbasshylyqtyń basshylary, Áskerı keńes músheleri, basqarma, bólim jáne qyzmetterdiń bastyqtary, Almaty garnızonynda ornalasqan áskerı bólimderdiń komandırleri men orynbasarlary, sondaı-aq 6506, 6698, 5513, 5514, 5547 áskerı bólimderiniń qolbasshylyqtary beınekonferensııa rejıminde qatysty.
Keńes otyrysyn Ulttyq ulan «Ońtústik» óńirlik qolbasshylyǵynyń qolbasshysy general-maıor Aqtanov Kaırat Mıhaıluly ashyp, kún tártibimen tanystyrdy.
Kún tártibinde jaýyngerlik jáne jumyldyrý ázirliginiń jaǵdaıy, máseleler jáne ony sheshýdiń joldary; 2018 jyldyń qysqy oqý kezeńi boıynsha áskerı bólimderdegi qorytyndy tekserýdiń nátıjesi; 2018 jyldyń I jartyjyldyǵyndaǵy tárbıe jáne áleýmettik-quqyqtyq jumystardyń jaǵdaıy jáne II jartyjyldyqtyń mindetteri qaraldy.
Qaralǵan máseleler boıynsha qaýly qabyldanyp, I jartyjyldyqtyń jumysy qorytyndylandy. «Ońtústik» óńirlik qolbasshylyǵy áskerı bólimderiniń arasynda 2018 jylǵy I jartyjyldyqtaǵy qyzmettik-jaýyngerlik jumystyń qorytyndysy boıynsha oryndar tómendegideı retpen berildi:
I oryn – 5547 áskerı bólimi;
II oryn – 6506 áskerı bólimi;
III oryn – 3650 áskerı bólimi.
