Bul jyly – elimiz «Qazaqstan 2030» strategııasynda aıqyndalǵan mindetterdi iske asyrýǵa belsendi kirisip, alǵash ret analarǵa bala týýyna baılanysty bir rettik járdemaqy berile bastady. Sonymen qatar osy jyldan bastap, aldaǵy úsh jyl (2003-2005 j.j) «Aýyldy qoldaý jyly» dep jarııalandy.
20 qańtar – Memleket basshysy N.Nazarbaev resmı saparmen Shveısarııaǵa baryp, Konfederasııasynyń Federaldy Prezıdenti P.Kýshpenmen kezdesip, elaralyq máselelerdi talqylady.
23 qańtar – Elbasy N. Nazarbaev Davostaǵy 33-shi Dúnıejúzilik ekonomıkalyq forýmnyń jumysyna qatysty. Forýmda sóılegen sózinde Prezıdent: «Memlekettik táýelsizdikke ıe bolyp, halyqaralyq arenaǵa tanylǵan sátten bastap Qazaqstan álemdik ekonomıkalyq jáne saıası elıtamen pikirlesý múmkindigine ıe boldy. Osyndaı forýmdar jańa áriptester tabýǵa kómektesedi, eń bas-
tysy memleketterdi jaqyndastyrady, bizdiń ortaq bolashaǵymyzdy aıqyndaıdy» dedi.
6 aqpan – Prezıdent Nursultan Nazarbaev Vatıkanda Papa Ioann Pavel II-men kezdesip, Astana qalasynda dúnıejúzilik dinder men konfessııalar kóshbasshylary quryltaıyn shaqyrý týraly aqyldasty.
16 sáýir – Prezıdent N. Nazarbaevtyń Qazaqstan halqyna Joldaýy jarııalandy. Joldaýda qoǵamdy odan ári demokratııalandyrý men memlekettik basqarý tıimdiligin arttyrýdyń, mádenıet, bilim berý jáne rýhanııat salalaryn damytýdyń negizgi baǵyttary baıandaldy. «Tarıhı asa qysqa merzimniń ishinde biz eń shuǵyl ekonomıkalyq jáne saıası reformalardy júzege asyrdyq. Búgin men bizdiń eń jańa tarıhymyzda áleýmettik shyǵystardy barynsha ulǵaıtqanymyz jaıynda jarııalaý abyroıyna ıe boldym, biz bul isti kóp uzamaı qolǵa alamyz, ári onyń ıgiligi árbir qazaqstandyqqa jáne ár otbasyna tıetin bolady», – dedi Elbasy Joldaýynda.
6 mamyr – Prezıdent N.Nazarbaev Dúnıejúzilik Islam Lıgasynyń Bas hatshysy doktor Abdalla Ben Abdel-mýhsın Át-Túrkımen kezdesti. Eki jaq Astana tórinde álemdik dinderdiń quryltaıyn ótkizý máselesin talqylady.
17 mamyr – Astana qalasynda Elbasy Nursultan Nazarbaevtyń qatysýymen «Dýman» oıyn-saýyq ortalyǵy ashyldy. Oıyn-saýyq ortalyǵynda okeanarıým, «Djýnglı» anımatronıkster teatry, ekzotarıým-haıýanattar baǵy, 5D kınotea-
tr men kádesyılar dúkeni ornalasqan. Muhıtaraldyń sý qory – 3 mıllıon lıtr. Ony ázirleý úshin 120 tonna teńiz tuzy qajet boldy. Onda teńiz jándikteriniń 100-den astam túri tirshilik etedi.
28 mamyr – Prezıdent N.Á.Nazarbaev Máskeýde ótken ShYU memleketter basshylarynyń sammıtine qatysty.
3 maýsym – Astana qalasynda Elbasy N.Nazarbaev Qazaqstanǵa resmı saparmen kelgen QHR Tóraǵasy Hý Szıntaomen kezdesti. Kelissózder nátıjesinde 2003-2008 jyldarǵa baǵyttalǵan Qazaqstan-Qytaı yntymaqtastyq baǵdarlamasyna qol qoıyldy.
23 qyrkúıek – Astanada Álemdik jáne dástúrli dinder kóshbasshylarynyń birinshi quryltaıynyń ashylý saltanaty boldy. Oǵan Kaır qalasyndaǵy Ál-Azhar joǵarǵy ımamy Sheıh Mýhammad Saıd Tantaýı, dúnıejúzilik Islam lıgasynyń bas hatshysy Sheıh Abdalla ben Abdel-Mýhsın Át-Túrkı bastatqan din qaıratkerleri qatysty.
13 qazan – uzyndyǵy 1225 shaqyrymdy quraıtyn Almaty – Astana avtojoly saltanatty túrde ashyldy. Oǵan Elbasy Nursultan Nazarbaev qatysyp, jobany iske asyrǵan otandyq jáne sheteldik qurylys kompanııalaryna, sondaı-aq osy qurylysty júrgizgen jumysshylarǵa alǵys aıtty.
11 qarasha – Elbasy N.Nazarbaev Fılıppınge memlekettik saparmen baryp G.Makpagal-Arroıomen kezdesip, Qazaqstan Respýblıkasy men Fılıppın Respýblıkasy arasyndaǵy dostyq pen yntymaqtastyq týraly Deklarasııaǵa qol qoıdy.
4 jeltoqsan – Prezıdent N.Nazarbaev Astanaǵa resmı saparmen kelgen Germanııanyń Federaldyq kansleri Gerhard Shredermen kezdesti. Eki el basshysy Qazaqstan men Germanııa arasyndaǵy iskerlik qatynastardy talqylaı kelip, Elbasy Nursultan Ábishuly Germanııanyń Qazaqstannyń Eýropadaǵy jetekshi saýda-ekonomıkalyq áriptesteriniń biri bolyp tabylatynyn atap ótti.
8 jeltoqsan – Prezıdent N.Nazarbaev eki kúndik resmı saparmen Pákistan Islam Respýblıkasyna bardy. Kezdesý barysynda taraptar saıası-ekonomıkalyq máselelerge basa nazar aýdardy.
25 jeltoqsan – Elbasy N.Nazarbaev Astana qalasynda Qyrǵyzstan Prezıdenti A.Aqaevpen kezdesti. Áńgime barysynda Nursultan Nazarbaev óńirlik qaýipsizdik pen ekonomıkalyq ıntegrasııany damytý men nyǵaıtýda Qyrǵyz Respýblıkasy shynaıy áriptes bola beretinine senim bildirdi.
Daıyndaǵan Beken QAIRATULY,
«Egemen Qazaqstan»
