Bul servıs azamattardyń: týýy, ólim, neke, ajyrasý, bala asyrap alý, ákeligin anyqtaýy, aty-jóniniń ózgerýi sekildi barlyq 7 oqıǵa qyzmetiniń (onyń ishinde 2008 deıin jasalǵan) arhıvtik aktilik jazbalaryn sıfrlaýǵa jáne tekserýge múmkindik beredi.
Endi joq nemese durys emes málimetti túzetýdi sıfrlandyrý úshin eGov.kz https://egov.kz/services/SR.18/ portalynyń siltemesi arqyly qujattardyń skanerlengen kóshirmelerin jiberý jetkilikti bolady.
Mysaly, Sizdiń balalaryńyzdyń týý týraly aktilik jazbany tekserý kezinde, bala týraly derekteri (tegi, aty, azamattyǵy, ulty, týǵan kúni, ana men áke týraly derekteri) usynylǵan bóliminde durys emes jazbalary engizilgen jaǵdaıda, onda qujattardyń skanerlengen kóshirmelerin qoıyp, aqparatty jańartý múmkin bolady.
Qyzmet kórsetýdiń nátıjesi AHAJ AJ málimetterin jańartý mártebesi týraly aqparat bolyp tabylady. Qyzmettiń kórsetilýi merzimi - 1 jumys kúni, qyzmet tegin kórsetiledi. Osy servıs qyzmeti elektrondyq úkimet portalynyń basty betinde ornalasqan.
