Q. Toqaev Halyqaralyq Qyzyl Krest komıtetiniń qyzmetin qoldaıtyny týraly aıta kelip, uıymnyń túrli elderge bitimgershilik kúsh-jiger qosýdaǵy úlesin joǵary baǵalady. Onyń aıtýynsha, Qazaqstan osy aýqymdy baǵyt boıynsha ózara is-qımyldy ulǵaıtýǵa ázir.
J. Kasabıanka ıadrolyq qarýsyzdanýǵa, teketiresterdi boldyrmaý jáne Aýǵanstan men Sırııadaǵy beıbitshilik pen qaýipsizdikti qamtamasyz etýge baǵyttalǵan Qazaqstannyń syrtqy saıası bastamalaryna joǵary baǵa berdi. Halyqaralyq Qyzyl Krest komıteti Aımaqtyq ókildiginiń basshysy Qazaqstannyń BUU Qaýipsizdik Keńesindegi belsendi qyzmetin atap ótti.
J. Kasabıanka sonymen qatar Taıaý Shyǵystaǵy gýmanıtarlyq jaǵdaılar jóninde Astanada qorǵanys jáne syrtqy ister mınıstrlikteriniń ókilderine arnalǵan brıfıng ótip jatqany týraly da habardar etti. Bul taqyryp BUU mıssııasyna qatysý úshin Qazaqstannyń bitimgershilik kúshterin Lıvanǵa jiberýine baılanysty sheshimi turǵysynda asa mańyzdy bolyp otyr. Q.Toqaevtyń aıtýynsha, Qazaqstan áskerı bólimshelerdi tek BUU aıasynda ǵana shetelge jiberý jónindegi ustanymdy qoldaıdy.
Júzdesýshiler Halyqaralyq Qyzyl Krest komıteti men Qazaqstan Respýblıkasynyń budan bylaıǵy yntymaqtastyǵynyń keleshegin talqylady.
