Osy maqsatta "Qazaqtelekom" AQ-men birge kabeldi qymbat əri qıyn jolmen tartpaı-aq, aqparatty tez jetkizýdi qamtamasyz etetin baılanystyń talshyqty-optıkalyq jelilerin salý men "radıokópir" tehnologııasyn engizýdiń aýqymdy jumystary bastaldy.
О́ńir basshysy Berdibek Saparbaevtyń tóraǵalyǵymen ótken jıynda Elbasynyń bilim berý, densaýlyq saqtaý jəne ekonomıkanyń t.b. salalaryn sıfrlandyrý boıynsha tapsyrmalarynyń oryndalý barysy qaraldy.
- Jalpy, ótken bes aıdyń ishinde úlken jumys atqaryldy. Belgili bir nətıje bar. "Sıfrlyq Qazaqstan" baǵdarlamasyn oryndaý kerek jəne əri qaraı da únemi erekshe baqylaýda ustaý qajet,- dep atap ótti oblys əkimi.
Keń jolaqty ınternetke qol jetkizýdi qamtamasyz etýmen qatar, aqparattyq júıelerdi engizý jumysy da jalǵasýda. Onyń artyqshylyǵyna aqtóbelikter tıisti baǵalaryn berip te qoıǵan. Məselen, bilim berý basqarmasynyń məlimetinshe "Kúndelik" aqparattyq júıesi engizilisimen mekterde sabaqtan qalý jaǵdaıy eki esege azaıdy. Oqýshynyń sabaqqa kelýi men úlgerimi jaıynda aqparat onyń ata-anasyna sol boıda qol jetimdi bolady. Oblys turǵyndary medısına júıelerin de belsendi túrde qoldanady. Sol arqyly jyl basynan beri dərigerge 209 myńnan astam adam jazylǵan. Medısınalyq aqparattyq júıe arqyly barlyǵy 371 myńnan asa adamǵa nemese oblys turǵyndarynyń 43%-na qyzmet kórsetilgen.
Jıyn kezinde sondaı-aq, turǵyn úı - kommýnaldyq sharýashylyǵy men kólik júıesindegi sıfrlyq jańashyldyqtar da qaraldy.
Aıta keteıik, óńir damyp kele jatqan sıfrlandyrýdyń aıasynda halqynyń sıfrlyq saýattylyǵynyń deńgeıine basa nazar aýdarady. Bul úshin 220-dan asa jattyqtyrýshy daıyndaldy. Olar endigi oblys turǵyndaryn, əsirese shalǵaıdaǵy eldi mekenderde turatyn halyqty oqytýǵa kirisip te ketken. Búginde olardyń yjdaǵattylyqtarynyń arqasynda 14,4 myń adam zamanaýı aqparattyq júıelermen jəne tehnologııalarmen jumys isteýdiń jalpy bazalyq bilimderin aldy. Eresek adamdardy oqytý jaǵyna basymdyq berilip otyr.
Temir Qusaıyn
"Egemen Qazaqstan"
