Aımaq basshysy aıtqandaı, Alımuhammed Quttymuratulynyń kóp jylǵy eńbek ótili bar, ár túrli salalarda basshylyq laýazymdar atqardy. Onyń kandıdatýrasy QR Prezıdent ákimshiligimen kelisilgennen keıin usynylǵan. Depýtattar jańa ákimniń kandıdatýrasyn qoldap, isker basqarýshy retinde biletinderin atap ótti.
Qala aktıviniń jıynynda aımaq basshysy Serik Shapkenovke atqarǵan jumysy úshin alǵys aıtyp, shahardyń jańa basshysyna naqty tapsyrmalar berdi.
Alımuhammed Kuttymýuratulynyń ekonomıka, quqyqtaný mamandyqtary boıynsha eki joǵary bilimi bar.
Reseı Federasııasy Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń MPA (Master of Public Administration)baǵdarlamasynyń magıstranty.
Memlekettik qyzmet pen jeke sektorda úlken tájirıbesi bar.
Eńbek jolyn kommersııalyq qurylymdarda bastaǵan. 2008 - 2012 jyldary jergilikti atqarýshy organdar júıesinde ár túrli qyzmetter atqardy. 2012- 2016 jyldary Oral qalasy ákiminiń orynbasary, Atyraý oblysy ákimi apparatynyń jetekshisi, Atyraý oblystyq tabıǵı resýrstar jáne tabıǵat paıdalanýdy retteý basqarmasynyń basshysy boldy,
2016 jyldyń mamyrynda Mahambet aýdanynyń ákimi bolyp taǵaıyndaldy. 2017 jyldyń tamyz aıynan búginge deıin Atyraý oblysy Jylyoı aýdanynyń ákimi qyzmetin atqardy.
