Jınalys barysynda oblys ákimi Saǵyndyq Luqpanovqa atqarǵan jumysy úshin rızashylyq bildirip, aldaǵy qyzmetine tabys tiledi. Aımaq basshysy kandıdatýrasy QR Prezıdent ákimshiligimen kelisilgen Serik Shapkenovtyń uzaq jylǵy eńbek ótili baryn atap ótti.
Serik Shapkenov ekonomıst-matematık mamandyǵy boıynsha joǵary bilimdi. Eńbek jolyn 2000 jyly M.О́temisov atyndaǵy BQMÝ oqytýshylyqtan bastaǵan. 2001 jyly memlekettik qyzmetke aýysyp, qorshaǵan ortany qorǵaý qorynyń jetekshi mamany boldy. 2002 -2012 jyldary memlekettik qyzmette qarjy basqarmasynyń jetekshi mamanynan bastap Batys Qazaqstan oblystyq ekonomıka jáne bıýdjetti josparlaý bóliminiń basshysyna deıingi laýazymdardy atqardy. 2012 jyldyń qańtarynda Batys Qazaqstan oblysy ákiminiń orynbasary, tamyz aıynda birinshi orynbasary boldy. 2015 jyldyń qańtarynan 2016 jyldyń shildesine deıin QR Prezıdent ákimshiliginde memlekettik ınspektor laýazymyn atqardy. 2016 jyldyń shildesinen búginge deıin Atyraý qalasynyń ákimi boldy.
