Onyń aıtýynsha, ótken jyldary bólingen qarajatty qosa alǵanda, qazir avtonesıelendirý úshin 40 mlrd teńge kólemindegi soma bar. Bul modeline baılanysty shamamen 12–13 myń avtokólikti satyp alýǵa jetedi.
«Qazir bul qarjynyń barlyǵy tolyq ıgerildi. Avtonesıelendirýdiń bir prınsıpi – oǵan salynǵan qarjy revolverli túrde qaıta aınalymǵa túsedi, ıaǵnı bul revolverli nesıe. Sondyqtan qazir bizde nesıede ótken jyldardan qaıta kelip túsken aqshalarmen qosqanda, 58–59 mlrd teńgedeı qarjy bar. Avtonesıelendirý baǵdarlamasy toqtatylmaıdy, ári qaraı jalǵasyn tabady», — dedi A. Batanov.
Mashına jasaý Qazaqstandaǵy ındýstrııalyq-ınnovasııalyq damý memlekettik baǵdarlamasynyń birinshi jáne ekinshi besjyldyǵyndaǵy basymdyqty sala bolyp tabylady. Indýstrııalandyrý baǵdarlamasynyń birinshi besjyldyǵy iske asyrylǵan jyldary mashına jasaý qarqyndy damýshy salalardyń biri boldy.
2018 jyldyń 5 aıynda mashınajasaý óndirisi 12,2%-ǵa ósken.
«Mashına jasaýdaǵy óndiris kólemi 2010 jyldan bastap 2,3 ese ulǵaıdy. Mashına jasaýdyń óńdeý ónerkásibindegi úlesi 2010 jyly 9% bolsa, 2014 jyly birinshi besjyldyqta 15%-ǵa deıin ósti», — dep túıindedi A. Batanov.
