«Kóshpendiler álemi» festıvaliniń tujyrymdamasy 2008 jyldan beri Vengr Halyq Respýblıkasynda sátti ótkizilip kele jatqan Túrki halyqtarynyń úlken quryltaıy modeline negizdeledi. Álemdegi bul asa iri etnografııalyq is-shara Qazaqstan úshin jaqsy úlgi bola alady.
«Baǵdarlama birden birneshe alańda ótetin bolady. Festıval aýmaǵy birneshe aýylǵa bólingen, onda salt-dástúr, sadaq atý, ulttyq sport túrleri, áskerı óner jáne qolónermen shuǵyldanýshylyq kórsetiletin bolady. Bul sharada kórermender ózderi qatysýshylar bolyp, ulttyq ónerdiń atalǵan túrlerine degen súıispenshilikteri oıanatyndaı túrtkige aınalady dep senemiz», — dep atap ótti «Kazakh Tourism» UK basqarma tóraǵasynyń orynbasary Tımýr Dúısenǵalıev.
Festıval aıasynda barlyǵy jeti aýyl usynylǵan, onda barlyq qatysam deýshiler sadaq atysýdan jarystarǵa, «Aýdaryspaq», «Qyz qýý», «Asaý», «Qazaq kúresi» jáne basqa da oıyndarǵa qatysyp, ulttyq tamaqtan dám tatyp, halyq sheberleriniń biregeı buıymdaryn tańdap ala alady.
Qatysýshylar arasynda — Qazaqstannan, Qyrǵyzstannan, Túrkııadan, Ýkraınadan, Majarstannan, Bolgarııadan, Bashqurtstannan jáne Iаkýtııadan kelgen toptar bar, olardyń árqaısysy óz baǵdarlamasyn usynbaq. «Sarbaz rýhy» tarıhı-patrıottyq tobynyń dırektory Ásel Álisherova túsindirgendeı, keıbir qatysýshylar ózderiniń etnografııalyq mýzeı eksponattaryn ákeledi, olardy barlyq kelýshiler kóre alady. Osyndaı áserli jáne kórinistik qoıylymdardyń biri «Amazonkalardyń» óner kórsetýi bolady.
Budan ózge, kóshpendiler álemine tolyqqandy ený «Arqaıym» neo-etnofolk tobynyń, homýsıst jáne tamaqpen án aıtý oryndaýshysy Tıýrgen Kamanyń, «Turan» etno-folk tobynyń, «The Spirit of Tengri» konkýrsynyń laýreaty Iýlıana Krıvoshapkınanyń mýzykalyq óner kórsetýlerin qamtamasyz etedi.
«Festıval jaǵdaılyq týrızmniń úzdik mysaly bolyp, onyń damýyna jáne halqymyzdyń salt-dástúriniń qaıta órkendeýine yqpal ete alady», — dedi Qazaq Geography halyqaralyq jáne ǵylymı jobalar bóliminiń menedjeri Nurjan Alǵashov.
N. Alǵashovtyń aıtýynsha, kóshpendiler órkenıeti Qazaqstan dalasynda týyndaǵan asa qudiretti jáne ejelgi órkenıetterdiń biri bolǵan. Festıval Qazaqstan mádenıetiniń jáne onymen baılanysy bar barlyq halyqtardyń birligin kórsetedi.
«Kóshpendiler álemi» kóshpendiler mádenıetiniń halyqaralyq festıvali 30 maýsym men 1 shilde aralyǵynda «Qazanat» ıppodromynyń aýmaǵyndaǵy «Etnoaýyl» ulttyq-mádenı kesheninde ótedi. «Kóshpendiler álemi» festıvaliniń is-sharalaryna barlyq nıet bildirýshiler tegin qatysa alady.
